Masu a Vathi

a Nanaawiili, 4 a Apirili a 2023, amilyawu a achu orukurerya elapo anahaala ophwanyeya va Yawuupuxerya ya okhwa wa Kristu. Ancipale anahaala ophwanyeya mu ekwaha aya yoopacerya. Akina yaawo yaahin’ye omurumeela Yehova nave ehinaphwanyeya va Yawuupuxerya mu iyaakha sincipale, anahaala ophiya va Yawuupuxerya yeela. Akina aakhalano mikhalelo seiho sinaweeriha okhala woovila ophwanyeya va Yawuupuxerya, nyenya naamwi hiihaa awo anahaala wiilipixerya wi ephiye va Yawuupuxerya. Moohipwacha mikhalelo seiha munahoolelaanyu, muroromele wi Yehova onahaala ohakalala ni wiilipixerya yoowo munahaalaanyu opaka wi mphwanyeye va Yawuupuxerya.