Salmu
Salmu a Tavite, vaavaa aamuchaweiye mwanawe, Apisalawu.
3 Nyuwo Yehova, ntakhara heeni amwiicani aka atempaaya waaca?
Ntakhara heeni ancipale annakivinyerya?
2 Ancipale annaloca sa miyo:*
“Muluku hani amvuluxe.” (Selaha)*
3 Nto nyuwo Yehova, mwa eyaakiho voorukurerya vaka,
Ncicimiho naka ni Yoole onaviiha muru aka.
4 Kinammwiichana Yehova,
Nave owo onamukaakhula va mwaako awe waweela. (Selaha)
5 Kinarwa kikona ni orupelavo,
Nave kinamvinya mookhapeleleya,
Woona wi Yehova onnatitelela okikhaviherya.
6 Nkinawoova achu macikhwi macikhweene
Yaawo anakirukurerya mmakupa oothene.
7 Vinyani nyuwo Yehova! Mukivuluxe, nyuwo Muluku aka!
Tiwi, munarwa mwaamana amwiicani aka oothene waapweto;
Munarwa mpwexa miino aachu oonanara murima.
8 Nivuluxo ti na Yehova.
Mareeliho anyu ari ni achu anyu. (Selaha)