Salmu
Wa muhooleli a macipo; wi ncharihiweke ni ikaruma sa mikoi. Masikili.* Salmu a Tavite, vaavaa achu a nihimo na Sifi yaakelaaya omuleela Sawuli eriki: “Tavite iipinthe variyari vahu.”
54 Khwoo Muluku, mukivuluxe moorweela wa nsina nanyu,
Nave mukaakihe* ni ikuru sanyu.
2 Khwoo Muluku, mwiiwe nivekelo naka,
Nwiriyane masu a mwaano mwaka.
3 Tiwi amwiicani annakivinyerya,
Nave achu oowali annaavya omaliha okumi aka.*
Awo hanampwacha Muluku.* (Selaha)
4 Onani! Muluku ti mukhaviheryi aka;
Yehova ori ni yaale anakikhaviherya.*
5 Owo onamwaakookiherya amwiicani aka otakhala waya.
Mu ororomeleya wanyu, mwaamalihe* yaawo.
6 Kinamvaha mikucho wa nyuwo moolakelela.
Khwoo Yehova, kinamucicimiha nsina nanyu, woona wi nlo ti naphaama.
7 Tiwi owo onnakivuluxa wa sawuukhula soothene,
Nave kinahaala woona ovoothiwa wa amwiicani aka.