Salmu
Wa muhooleli a macipo; wi ncharihiweke ni ikaruma sa mikoi. Salmu. Ncipo.
67 Muluku onamunooniherya mahala nave onamunireeliha,
Onamweeriha ethoi awe onaaryela, (Selaha)
2 Wi ephiro anyu esuweliwe veelaponi yoothene yavathi,
Saweera sanyu sa ovuluxa, variyari va maloko oothene.
3 Achu yoocicimiheeni, khwoo Muluku;
Achu oothene yoocicimiheeni.
4 Maloko echape nave ekhuwele moohakalala,
Tiwi munamwaathoriha achu mwaphaama.
Nyuwo munamuhoolela maloko a veelaponi. (Selaha)
5 Achu yoocicimiheeni, khwoo Muluku;
Achu oothene yoocicimiheeni.
6 Elapo enamvaha sawiima saya;
Muluku, Muluku ahu, onamunireeliha.
7 Muluku onamunireeliha,
Orweela makupa oothene a elapo, achu anammoovaka* yoowo.