Salmu
Wa muhooleli a macipo. Salmu a Tavite.
13 Khwoo Yehova, ophiyerya liini muneeraanyu mukicuwale? Mano, okhala wookhala?
Ophiyerya liini muneeraanyu mvithe ethoi anyu wa miyo?
2 Ophiyerya liini kineeraaka kikhaleno* wuukhuwa ni sawuukhula,
Vamoha ni othanana mmurimani mwaka mahiku oothene?
Ophiyerya liini mwiicani aka oneereiye akivoothe?
3 Mukiwehe miyo nave mukaakhule, khwoo Yehova Muluku aka.
Mvahe omwaleela miitho aka, wi kihirupele mookhwani,
4 Wi mwiicani aka ahiloce ariki: “Miyaano koomvootha!”
Muheemererye wi amwiicani aka ehakalale wa nthowa na wuuwa waka.
5 Nto miyo, kinaroromela osivela wanyu woororomeleya;
Murima aka onarwa ohakalala ni saweera sanyu sa ovuluxa.
6 Kinarwa kimwiipela Yehova, woona wi owo onnakichuwela mwawaaca.