Salmu
Ncipo na Owelano.
121 Kinnaviiherya miitho aka o miyaako.
Nikhaviheryo naka nni nrwe woowi?
2 Nikhaviheryo naka nnarwa wa Yehova,
Yoowo opanke erimu ni elapo yavathi.
3 Owo harwa eemererya wi nnaani naa nserekuwe.*
Yoole onookhapelela harwa atuthela.
4 Aa, yoole onamukhapelela Isarayeli
Harwa atuthela naari mano orupa.
5 Yehova onnookhapelela weyo.
Yehova muuruxi wookhapelela omoono aa woolopwana.
6 Othana, nsuwa hiniweerela yoonanara,
Naari mano mweeri howeerela yoonanara ohiyu.
7 Yehova onamookhapelela wa soonanara soothene.
Owo onamukhapelela okumi aa.
8 Yehova onamookhapelela mu soothene oneeraawe opakeke,*
Ovinyerya hiihaano ni okhala wookhala.