Moohilekela, Yehova onahaala opharihela Omwene awe wi amalihe makacamiho ahu oothene. Michaka iha ti saphaama ophiyerya wi achu oothene annaphwanela osuwela. Yesu aachuna wi oomuchara awe elaleerye muchaka yoola wa oothene! (Mateu 28:19, 20) Anamoona a Yehova aneerano hai yeeyo Yesu olamulenleiye?

1. Ti mwawiihai Mateu 24:14 onaakhwaneleiye mmahiku ahu?

Yesu aaloca mwa miririmo: “Michaka yeela ya Omwene enamulaleiwa mu elapo yoothene yookhalamo achu.” (Mateu 24:14) Anamoona a Yehova annahakalala opaka makupa mmuteko yoola wookhweleya. Ninnalaleerya michaka saphaama mu elapo yoothene mu ilocelo opwaha 1.000! Muteko yoola mutokweenexa onnachuneya wiilipixerya wawaaca ni marehereryo mancipale. Nihirivo nikhaviheryo na Yehova muteko ola hiwaahaala oweryeya.

2. Wiilipiserya taani nnapakaahu wi naalaleerye achu?

Hiyaano nnalaleerya mmapuro oothene onaphwanyeyamo achu. Ntoko Akristu a nsana noopacerya, hiyaano ninnalaleerya “echoko ni echoko.” (Saweriwa T’arummwa 5:42) Mmukhalelo yoola, hiyaano ninnawerya oloca wa achu macikhwi eyaakha ti eyaakha. Woona wi achu hanakhala owaani ilukuluku soothene, ninnalaleerya mmapuro mancipale awaaciwamo. Ilukuluku soothene ninnaavya ikari sa waaleela akina vooloca sa Yehova ni yoolakelela awe.

3. Taani arino murici wa olaleerya michaka saphaama?

Akristu oothene eeparipari aakhalano murici wa olaleerya michaka saphaama wa akina. Hiyaano ninnacicimiherya murici ahu yoola. Ninnalaleerya vancipale ophiyerya nnaweryelaahuvo, woona wi noosuwela wi muteko ola onanwerya ovulusa ikumi sa achu. (Mwaalakhanye 1 Timóteo 4:16.) Hiyaano hannalinvwa wa nthowa na ophara muteko yoola, woona wi Piipiliya ooloca: “Mwaakhenle mahaleene mvaheke tho mahaleene.” (Mateu 10:7, 8) Tahi wi oothene anneemererya muchaka ahu. Nyenya ninnatitelela olaleerya woona wi nnachuna omwiiwelela Yehova ni omuhakalaliha yoowo.

OHUSERYA MWAWIISEELA

4. Ninniilipiserya waaphwanya achu oothene

EXILEMA: Mulaleerye “Ophiyerya Okhomoni wa Elapo” (7:38)

• Tiheeni enootikhinihaani vooloca sa wiilipiserya wa Anamoona a Yehova anapakaaya wi elaleerye?

Mwaalakhanye Mateu 22:39 ni Aroma 10:13-15, nave voocharela muthokororye makoho ala:

• Ti mwawiihai muteko ahu onooniheryaaya wi ninnaasivela amwaacamani ahu?

• Yehova onoona ahai vooloca sa yaale analaleerya michaka saphaama?—Moone eversikulu 15.

5. Hiyaano na anamuteko akhwaawe a Muluku

Saweereya sincipale sinnooniherya wi Yehova onnahoolela muteko ahu. Moone yeeyo yeeren’ye o Nova Silantiya ni munna awiichaniwa Paulo. Nihiku nimoha othana alaleeryaka empa ni empa owo aamphwanya muthiyana yoowo aavekenle wa Muluku woosiiselo wa nihiku nenle. Apharihelaka nsina na Muluku, Yehova, owo aaveka wi asekuryiwe. Paulo onnaloca: “Iwoora raru ohoolo waya, kaahiphiya vaate vawe.”

Mwaalakhanye 1 Korinto 3:9, nave muthokororye nikoho nnacharela:

• Ti mwawiihai saweereya ntoko ya o Nova Silantiya inooniheryaaya wi Yehova onnahoolela muteko woolaleerya?

Mwaalakhanye Saweriwa T’arummwa 1:8, nave muthokororye nikoho nla:

• Ntakhara heeni nnachunaahu nikhaviheryo na Yehova wi naakhwaniherye muteko ahu?

Nyuwaano mwaanasuwela?

Esumana ti esumana, mmithukumano sahu sa veeri va esumana, ninnaakhela ovyakiha yoowo onanikhaviherya olaleerya. Waakhanle wi mohintoko ophwanyeya va mmoha wa mithukumano seiya, moonne hai vooloca sa ovyakihiwa yoola?

6. Ninniiwelela nlamulo Muluku onivanheiye na olaleerya

Mu nsana noopacerya, akina yaaheererya waamaaliha oohuserya a Yesu olaleerya. Nyenya Akristu oopacerya yaanaakiha ophwanelela waya olaleerya moorweela wa “otitelela michaka yaphaama.” (Filipi 1:7) Anamoona a Yehova anneerano emohamoha olelo.a

EXILEMA: Defendendo legalmente as boas novas (2:28)

Mwaalakhanye Saweriwa T’arummwa 5:27-42, voocharela muthokororye nikoho nla:

• Ntakhara heeni hannaphwanela ohiya olaleerya?—Moone iversikulu 29, 38, ni 39.

MUKWASU

Yesu aalamulela wa oohuserya awe wi elaleerye michaka saphaama wa maloko oothene. Yehova onnaakhaviherya achu awe wi ephare muteko yoola.

Makoho awuuluulela

• Ti mwawiihai michaka saphaama inalaleeryiwaaya mu elapo yoothene?

• Ti mwawiihai muteko ahu woolaleerya onooniheryaaya wi ninnaasivela achu?

• Munoona wi muteko woolaleerya onanwerya oruuha ohakalala? Ntakhara heeni?

OTHOLATHOLA

Moone mukhalelo Anamoona a Yehova analaleeryaaya mu ipooma itokotoko.

Testemunho público especial em Paris (5:11)

Tiheeni Anamoona a Yehova aneeraaya wi yaakhaviherye alipa oochawa?

Ajudando refugiados a matar sua sede espiritual (5:59)

Markarita aapharihela okumi awe alaleeryaka michaka yaphaama.

Estou feliz na carreira que escolhi (6:29)

Moone miyaha sookhweleya sa ovootha wa anna mmapuro a othoriha seiho saakhavihenrye muteko woolaleerya.

“Os pregadores do Reino vão aos tribunais” (Os pregadores do Reino vão aos tribunais!, capítulo 13)

Yesu ooloca wi Akristu anaphwanela opatisiwa. (Mwaalakhanye Mateu 28:19, 20.) Vano, opatiso tiheeni? Nave tiheeni muchu onaphwaneleiye weera wi apatisiwe?

1. Opatiso tiheeni?

Masu awi “opatiso” anarweela mmasu Ekriki enataphulela “oruweiwa” mmaahini. Ti yeela yeeren’ye ni Yesu vaavaa owo aapatisiweiye mmuhice Yortano, mwiili awe woothene waapwinihiwa mmaahini. Ninnasuwela yeela woona wi amanle opatisiwa, owo ‘aakhuma mmaahini.’ (Marko 1:9, 10) Moolikana ni Yesu, vaavaa Akristu eeparipari anapatisiwaaya, mwiili aya woothene onnaruweiwa naari opwinihiwa mmaahini.

2. Tiheeni muchu onooniheryeiye vaavaa onapatisiweiye?

Wi muchu aphwanelele opatisiwa, owo onnavekela wa Yehova amuleelaka wi onnachuna omurumeela mahiku oothene. Owo onnaroromeliha wi onahaala omulapaka pahiru Yehova nave wi opaka yookhwelaawe enahaala okhala echu yoochuneya mu okumi awe. Owo onnalakelela ‘wiikhooca mukhateiye’ ni otitelela ochara mahusiheryo ni yootakiherya ya Yesu. (Mateu 16:24) Nri nthowa na wiiveleela ni opatisiwa, muchu onaweryeiye okhalano onthamwene woolipa ni Yehova ni yaale tho anamurumeela yoowo.

3. Wi muchu apatisiwe tiheeni onaphwaneleiye weera?

Nyuwaano muhaakumve opatisiwa, ti woochuneya ohuserya sa Yehova ni okhalano nroromelo noolipa mwa yoowo. (Mwaalakhanye Ahebri 11:6.) Vaavaa munakhalaanyuno masuwelelo awaaca ni nroromelo noolipa, omusivela wanyu tho Yehova onahaala waaceereryeya. Voocharela, nyuwaano munahaala okhalano nchuno na waaleela sa yoowo ni okhala mwawiiwanana ni malamulo awe. (2 Timóteo 4:2; 1 Yohani 5:3) Vaava muchu onooniheryeiye wi onnachuna okhala wi ‘amuhakalalihe’ Yehova, owo akhweya onnalakelela oveleela ekumi awe wa Muluku ni opatisiwa.—Kolosi 1:9, 10.a

OHUSERYA MWAWIISEELA

4. Ninnahuserya sincipale orweela wa opatiso wa Yesu

Mwaalakhanye Mateu 3:13-17 wi muhuserye sincipale vooloca sa opatiso wa Yesu. Voocharela muthokororye makoho ala:

• Apwanne Yesu aari mwaana vaavaa aapatisiweiye?

• Owo aapatisiwe mmukhalelo taani? Apwanne aarimoona omiseryiwa maahi?

Amanle opatisiwa, Yesu aapacerya muteko wavameekhaaya yoowo Muluku aamvanheiye. Mwaalakhanye Luka 3:21-23 ni Yohani 6:38, nave voocharela muthokororye nikoho nla:

• Amanle opatisiwa Yesu, muteko taani waari woochuneya mu okumi awe?

5. Opatisiwa yoolakelela nyuwaano munaweryaanyu ophwanya

Oloca sa wiiveleela wa Yehova ni opatisiwa enanwerya okhala ntoko murici mutokweene. Nyenya vaavaa nyuwaano munahuseryaanyu sincipale vooloca sa Yehova ni opharihela muteko yeeyo owo onaloceiye, himoovelela opaka yoolakelela yeela yoochuneya. Wi nwoone achu akina yeenreno yeela, moone EXILEMA.

EXILEMA: Como podemos fortalecer nossa amizade com Jeová (1:11)

Mwaalakhanye Yohani 17:3 ni Tiyako 1:5, nave voocharela muthokororye nikoho nla:

• Tiheeni eni emukhaviherye muchu wiirehererya wi apatisiwe?

1. Nniiveleela wa Yehova vaavaa nnamuleelaahu yoowo wi ninnachuna omurumeela yoowo okhala wookhala

2. Variyari va opatisiwa, ninnooniherya wa achu wi nooveleela okumi ahu wa Muluku

6. Vaavaa nnapatisiwaahu ninnapaka makupa a emusi ya Yehova

Vaavaa nnapatisiwaahu, ninnapaka makupa a emusi ya wiiwanana ya elapo yoothene. Moohipwacha elapo ahu naari sookhovelela, oothene ahu ninnaroromela ichu imohamoha nave ninniiwelela malamulo mamohamoha a Muluku. Mwaalakhanye Salumu 25:14 ni 1 Pedro 2:17, voocharela muthokororye nikoho nla:

• Opatiso onavolowela hai onthamwene wa muchu ni Yehova vamoha ni akina anamulapela Yoowo?

MUKWASU

Yesu oohusiha wi Akristu annaphwanela opatisiwa. Wi muchu aphwanelele opatisiwa, onaphwanela okhalano nroromelo noolipa mwa Yehova, okhala mwawiiwanana ni malakiheryo awe, ni omwiiwelela Yoowo.

Makoho awuuluulela

• Opatiso tiheeni, nave ntakhara heeni oryaaya woochuneya?

• Wiiveleela oniiwanana hai ni opatiso?

• Ichu taani muchu onaphwaneleiye weera ahaakumve wiiveleela wa Yehova ni opatisiwa?

OTHOLATHOLA

Muhuserye opatiso tiheeni ni yeeyo ohiryaaya.

“O que é o batismo?” (Artigo do jw.org)

Moone yeeyo muchu onaphwaneleiye weera wi apatisiwe.

“Osivela ni Omuthamalela Yehova Onnahoolela Opatiso” (Mulipeleli a Marsu a 2020)

Mwaalakhanye mukhalelo yoolakelela ya mulopwana mmoha ya opatisiwa yaaryaaya yoothanla ya muchu mukhateiye.

“Eles queriam que eu provasse a verdade por mim mesmo” (A Sentinela, 1.º de fevereiro de 2013)

Muthokororye ntakhara heeni opatiso eryaaya yoolakelela yoophwanelela ni mukhalelo muneeraanyu mwiirehererye.

“Devo me batizar?” (Os Jovens Perguntam—Respostas Práticas, Volume 2, capítulo 37)