“Yeyo Muluku Ophitànnyeiye . . . ”

Nlamulo na Mose naaloca wi mulopwana onachuna omwalana ni mwaariye aaphwanela orepa ekaarata. Ela yaanaakhaviherya achu ohimwalana purepure. Nyenya mmahiku a Yesu, ahooleli a malapelo yaaheeriha wi omwalana okhale echu yookhweya. Alopwana yaanamwalana ni asaaraya ni mathowa oohisuwanyeya. (Mar 10:4, 11) Yesu onnaloca mooluluwanya wi Yehova totikithenrye othela. (Mar 10:2-12, Nlakano Nahihano) Mulopwana ni muthiyana athelanne anakhala “mwíli  . . mmoha” wa mahiku oothene. Nthowa nimoha nnaphwanyeya Mpiipiliya, nenlo nri mathipelo a omwalana, mwawiiwanana ni yaweereya enaphwanyeya mu Mateu, ti “othela wawotha” naari oraruwa.—Mat 19:9.

Olelo, achu ancipale anoona othela, ohiya ntoko Yesu ooneiye, nyenya mmoonelo wa Afarisi. Vaavaa anakumanaayano makacamiho, achu anachimakela omwalana. Moohiyana, atheli yaawo ari Akristu, annoona ororomelihana waya, ntoko mwaha mutokweene nave anniilipixerya osepa makacamiho moorweela wa opharihela malakiheryo a Mpiipiliyani. Mwamala woona exilema Osivela ni Ncicimiho Sinniiwananiha Echoko, mwaakhule makoho anacharela:

• 

  Atheli, muni mpharihele hai yoorepa ya Masiposipo 15:1, nave ntakhara heeni ti woochuneya?

• Muni muwerye hai osepa makacamiho moorweela wa opharihela yoorepa ya Masiposipo 19:11?

• Wakhala wi othela wanyu wookhalano makacamiho, ohiya wuupuwelaka “Apwanne nimwalane?”, Makoho taani munaphwanelaanyu wiikoha?

• Muni muwerye hai okhala mulopwana naari muthiyana aphaama moorweela wa opharihela yoorepa ya Mateu 7:12?