• Muhuserye Orweela wa Munna a Yesu
    Mulipeleli (Oomuhuserya)—2022 | Yaneru

    • MUTITELELE OKHALA AWIIYEVIHA NTOKO YAKOPO

      Yakopo alapaka muteko wo Kalapinteero nave Yesu amanle oviihiwa mookhwani alocaka ni yoowo.

      Vaavaa Yesu oonen’yeiye wa Yakopo, mwawiiyeviha Yakopo aaheemererya wi Yesu aari Mesiya nave aakhala oohuserya oororomeleya (Moone iparakrafo 5-7)

      5. Tiheeni Yakopo enreiye vaavaa Yesu iisoonihaleiye wa yoowo amanle ovinya mookhwani?

      5 Ti liini Yakopo aakhanleiye oomuchara oororomeleya a Yesu? Yesu amanle oviihiwa mookhwani, “aahooneya tho wa Yakopo, vaavaa wa arummwa oothene.” (1 Kor. 15:7) Amanle okumana ni Yesu, Yakopo aakhala mmoha a oohuserya awe. Owo aakhalavo vaavaa arummwa yaaweheryaaya waakhela munepa waweela mu empa yoosulu yo Yerusalemu. (Saw. 1:13, 14) Ohoolo waya, Yakopo aahakalala orumeela ntoko mmoha a Nikhuuru Noolamulela mu nsana noopacerya. (Saw. 15:6, 13-22; Gal. 2:9) Nave elukuluku ekina ehaakumve eyaakha ya 62 E.K., owo aaveereliwa orepa ekaarata wa Akristu oothanliwa. Ekaarata ela ti yamphurelo wa hiyo olelo, moohipwacha waakhanle wi ewehereryo ahu ti ya wirimu naari veelaponi yavathi. (Tiy. 1:1) Mwawiiwanana ni mulipa a miyaha a mu nsana noopacerya awiichaniwa Josephus, Yakopo aahiiphiwa orweela wa nlamulo na Mulipa a Mukucho awiichaniwa Ananiya. Yakopo aatitelela okhala oororomeleya wa Yehova ophiyerya okuchuwa wa muteko awe veelaponi yavathi.