Ireferensia Inaphwanyeya va Yoochariha ya Muthukumano Okumi ni Muteko Ahu Weekristu
6-12 A MAIYU
MUHAKHU WA MASU A MULUKU | 2 KORINTO 4-6
“Hinnavolola”
(2 Korinto 4:16) Wanthowa nenla hinnavolola; nnaamwi omuchu ahu wa vaate wuucaka, omuchu ahu wa mpuwa onnarehereriwa tho nihiku nnihiku.
w04 15/8 epaax. 25 ipar. 16-17
Muhivolole Naamwi Muri Oovelavela
Eparipari wi othokororya makupa ahu oomunepani ti woochuneyaxa. Vaavaa nnakhalaahuno onthamwene woolipa ni Yehova Muluku, akhweya nnamukhala oovelavela omwiilini, nyenya hinnavolola omurumeela yoowo. Apwiya Yehova “annamvaha ikuru oovelavela, emwaaceererya owerya ookhulumuwa.” (Isa 40:28, 29) Murummwa Paulo, yoowo oonne waakhwanela wa masu yaala, aarepa: “Wanthowa nenla hinnavolola; nnaamwi omuchu ahu wa vaate wuucaka, omuchu ahu wa mpuwa onnarehereriwa tho nihiku nnihiku.”—2Kor 4:16.
Moone masu awi “nihiku nnihiku.” Ela enooniherya wi nnaphwanela okumihaka mphurelo wa soovaha sa Yehova nihiku nnihiku. Murokora mmoha yoowo aarumeenle moororomeleya ntoko misiyonaariya mu iyaakha 43, ilukuluku ikina aanakhala oovelavela ni okhulumuwa omwiilini, nyenya haavolonle. Owo ooloca: “Kaaniilipixerya ovinya wooxiixelo, kihaakumve ophara muteko ori woothene, wi kivekele ni omwaalakhanya Piipiliya. Meerelo ala a nihiku nnihiku annakikhaviherya ovilela ophiyerya hiihaano.” Hiyaano nnanwerya ororomela ikuru sa Yehova wakhala wi “nihiku nnihiku,” ninnavekela wa yoowo ni wuupuwelela makhalelo awe ootikhiniha vamoha ni soolaiherya sawe.
(2 Korinto 4:17) Makacamiho ahu yaala ooveya eelukuluku tonto, annakumiha mwa hiyo ncicimiho noolipa ni noohimala, noopwaha opwaha-opwaha.
it-3 ipaax. 255-256
Ovilela
Ti woochuneya tho wi nihirwe niyeleele ewehereryo ahu, ekumi yoohimala ehirivo yoocheka. Wiiphiwa ni yaale ananiikara, horwa omaliha ewehereryo yeela. (Aro 5:4, 5; 1Tes 1:3; Wup 2:10) Ohooxeya nnakumanaahuno mmahiku yaala tahi echu naalikanyihaka ni waakhwanela wa ewehereryo ahu yeela etokotoko. (Aro 8:18-25) Wakhala wi ninnakuha vahoolo ewehereryo yeela, makacamiho ari oothene nnakumanaahuno, naamwi ekhalaka matokweene, ta “eelukuluku tonto.” (2Kor 4:16-18) Wuupuwelela wi saweeha sahu ti sa elukuluku tonto ni ocicimiherya ewehereryo ahu, enahaala onikhaviherya ohikhala oovolola ni oohiroromeleya wa Yehova Muluku.
(2 Korinto 4:18) Hiyo hannawehasa ichu sawooneya, nto seiye soohooneya. Ichu sawooneya hasinalekela, nto soohooneya hasinamala.
Mphwanye Muhakhu Woomunepani
(2 Korinto 4:7) Nto nookhalano muhakhu ola mwiipiyani sa oloko, wi owerya wene woopwaha okhale wa Muluku, tahi wa hiyo.
w12 1/2 ipaax. 28-29
“Mmuhakalalihe Yehova”
Munna David Splane a Nikhuuru Noolamulela aahiloca mwaha yoola onathipeleya mu Soorempwa. (2Kor 4:7) Muhakhu taani nryaahuno? Apwanne masuwelelo naari miruku? Owo aahaakhula, “Hooye.” Nave owo aahaaceererya: “Muhakhu murummwa Paulo aareiyeno mmuupuweloni ‘muteko yoola’ wa ‘olaleerya seeparipari mwa wooneya.’” (2Kor 4:1, 2, 5) Munna Splane aahiwuupuxerya anaxikola wi miyeeri mithanu amalinhaaya ehuseryaka, saahaarehererya wi ekhwaaniherye mmukhalelo wavameekhaaya muteko wa olaleerya. Muteko yoowo echu yasisapo enaphwanela ocicimihiwaka.
Munna ola aathariha wi ‘ipiya sa oloko’ inasiphela mwiili ahu. Owo aahooniherya ohiyana orivovo wa ipiya sa oloko ni ipiya sa ewooro. Ipiya sa ewooro hasinaphariheliwa wiiliwiili. Moohiyana, ipiya sa oloko sinapakiwa wi siphariheliweke nihiku nnihiku. Wakhala wi noohela echu yasisapo mu epiya ya ewooro, akhweya naahaala oteteiwa niwehaka epiya eyo vamoha ni echu eri mpuwa mwaya. Munna Splane aaloca: “Nyuwaano anasikola hamunachuna wi achu eteteiweke ni nyuwaano.” Voocharela owo aahi: “Ntoko mamisiyonaariyo munahaala ochuna oweeriha achu wi eteteiweke ni Yehova. Nyuwaano mwa achu awiiyeviha, ipiya sa oloko.”
(2 Korinto 6:13) Kinaloca ni nyuwo ntoko anaaka: Nyuwo tho mutaphule murima anyu, muntakiherye.
w09 15/11 epaax. 21 epara. 7
Mutitelele Waaceererya Osivela wa Onna
Hanka vooloca sa hiyaano? Nni niwerye hai ‘otaphula murima ahu’ mu wooniherya osivela wa onna? Akhweya ti wookhweya wooniherya osivela wa achu a iyaakha soolikana naari elapo yoolikana ni yawinyu. Nave wiiliwiili yaale arino soothanla imohamoha vooloca sa mathatelo annakhala vamoha mu elukuluku yincipale. Nyenya wakhala wi sookhovelela nryaahuno sinnanivalaanyiha ni akina, nnaphwanela ‘otaphula murima ahu.’ Yaahaala okhala yaphaama wiikoha: ‘Apwanne ti woovila wa miyaano okhuma mmuteko woolaleerya naari othata vamoha ni anna naari ni arokora ahinapaka makupa a nikhuuru na asinthamwene aka? Mu Empa ya Omwene apwanne kinnahiya ochekula ni avyaani, kuupuwelaka wi awo anaphwanela opacerya toko opaka onthamwene ni miyaano? Kinnaaxeleliha awuuluvala ni amiravo mmulokoni?
13-19 A MAIYU
MUHAKHU WA MASU A MULUKU | 2 KORINTO 7-10
“Muteko Ahu wa Okhaviherya”
(2 Korinto 8:1-3) Asinnihu, ninnooleelihaani tho sa mahala yaawo Muluku aavanheiye muloko wa Yesu onathukumana mmapuro a oMaketoniya. 2 Tiwi, nnaamwi okacamiheyaka ni saweeha sincipale, ohakalala waya waahaaca onatekhuma, ohaawa waya otepa, nave yoowo waavaha moopwahasha ni murima aya woothene. 3 Kinnaweerela onamoona wi awo yaalakelela ovaha ntoko owerya waya ni opwaha owerya waya.
w98 1/11 epaax. 25 epara. 1
“Muluku Onnamusivela Yoole Onavaha Moohakalala”
Woopaceryani, Paulo aahaaleela Akristu o Korinto vooloca sa achu o Maketoniya, yaawo yaakhulenle phaama muteko wa okhaviherya. Owo aarepa: “Nnaamwi okacamiheyaka ni saweeha sincipale, ohakalala waya waahaaca onatekhuma, ohaawa waya otepa, nave yoowo waavaha moopwahasha ni murima aya woothene.” Achu o Maketoniya tahi wi yaamurummwa wi ekhaviherye. Moohiyana Paulo aaloca wi “yaatitelela oniveka muteko wa mahala wa wuukano makacamiho a aweela murima, yaakhaviheryaka.” Ohakalala wa Akristu o Maketoniya mu oveleela onnooneya vaavaa nniiwexexaahu wi “ohaawa waya” waatepa.—2Kor 8:2-4.
kr epaax. 209 epara. 1
Muteko wa Okhaviherya
WAARI variyari va eyaakha 46 E.K., nave mu elapo yo Yuteya ennakhumelela etala etokweene. Ayuta ari Akristu yaawo anakhala weiwo haano mukhalelo wa othuma yoolya yeeyo eri yoowalamela nthowa na orama. Awo annavoliwa, ophiyerya enahaala oyeleela ekumi aya. Nyenya moohilekela, anahaala woona ntata na Yehova mmukhalelo yoowo ohintonko wooniwa ni oomuchara akina a Kristu. Tiheeni enahaala weereya voocharela?
(2 Korinto 8:4) Yaawo yaatitelela oniveka muteko wa mahala wa wuukano makacamiho a aweela murima, yaakhaviheryaka.
kr ipaax. 209-210 ipar. 4-6
Muteko wa Okhaviherya
Mu ekaarata awe yanaawiili wa anna o Korinto, Paulo onnathariha wi Akristu aakhalano miteko miili. Naamwi ekaarata ela yaaveleeliwe wa Akristu awoocihiwa, olelo masu awe annaphariheleya tho wa “ipucepuche ikina.” (Yoh 10:16) Makupa mamoha a muteko ahu ori “muteko wa waataanyiha,” ela tiwi, olaleerya ni ohusiha. (2Kor 5:18-20; 1Tim 2:3-6) Makupa makina, anavolowela muteko wa waakhaviherya anna ni arokora ahu. Hiiha ntoko Paulo olonceiye wi owo “muteko wa mahala.” (2Kor 8:4) Vooloca sa masu yaala awi “muteko wa waataanyiha” ni “muteko wa mahala” mmakupa oomeeli masu awi “muteko” ataphuleliwe orweela mu masu a Ekriki awi di·a·ko·niʹa. Ntakhara heeni ela eryaaya yoochuneya?
Nthowa na opharihela masu mamohamoha mmiteko seiha miili, Paulo ahiiwananiha muteko wa okhaviherya ni miteko mikina seiho saaphariwa mmulokoni weekristu. Owo aaloca ariki: “Sookhalavo tho miteko soohiyana-hiyana, nto Apwiya amoha yaawo. Aakhalavo malapelo oohiyana-hiyana, . . . Soothene seiya oneerano ti mmoharu, munepa mmoha yoowo.” (1Kor 12:4-6, 11) Chiryene, Paulo aahiiwananiha miteko soohiyanahiyana sineeriwa mmulokoni ni ‘omulapa wahu Muluku.’ (Aro 12:1, 6-8) Moohikhwa minikwa, owo aanoona okhala woophwanelela omaliha elukuluku awe wi ‘aakhaviherye aweela murima’!—Aro 15:25, 26.
Paulo aahaakhaviherya Akristu o Korinto woona ntakhara heeni muteko wa mahala waaphwanelaaya opaka makupa mmuteko aya wa Yehova. Moone muupuwelo awe: Akristu yaawo yaaphara muteko wa okhaviherya yaaneerano yeeyo nthowa nawi ‘yaanacicimiherya . . . michaka yaphaama ya Kristu.’ (2Kor 9:13) Mwawiihiiha, echunaka opharihela muteko mahusiheryo a Kristu, awo yaanaakhaviherya asinnaya. Ntoko Paulo olonceiye, waakhaviherya annaya, eri ntoko “mahala oopwahasha Muluku” aavanheiye. (2Kor 9:14; 1Ped 4:10) Aloca sa waarumeela annihu oothoiwa, weiwo onavolowela muteko wa mahala, Mulipeleli 1 a Marsu a 1976, aaloca ariki: “Hinaano minikwa wi Yehova vamoha ni Mwanawe Yesu Kristu annavaha esisapo etokweene mukhalelo yoola wa muteko.” Eparipari, ti yawooneya wi ophara muteko wa mahala, makupa oochuneya a muteko ahu waweela.—Aro 12:1, 7; 2Kor 8:7; Ahe 13:16.
(2 Korinto 9:7) Muchu ni muchu avahe ntoko onuupuweleleiye mmurimani mwawe, ahithananaka nari olamuleliwa, vawi Muluku onnamusivela yoole onavaha moohakalala.
kr epaax. 196 epara. 10
Miteko sa Omwene Sinaliveliwa Hai?
Woopaceryani, ninnapaka sooveleela sahu soochuna nthowa nawi ninnamusivela Yehova nave ninnachuna weerano ichu “soomuhakalaliha.” (1Yoh 3:22) Yehova chiryene onnatepa ohakalala ni mulapeli awe yoowo onavaha ni murima woothene. Hankooni noone masu a Murummwa Paulo vooloca sa wiiveleela wa Akristu. (Mwaalakhanye 2 Korinto 9:7.) Mukristu eeparipari hanaveleela ni wiikhinyererya naari olamuleliwa. Ohiya yeeyo, owo onnaveleela nthowa nawi ti yeeyo “onuupuweleleiye mmurimani mwawe” wi eereno. Ela tiwi, owo onaveleela amanle wuupuwelela mu yoothowa ni mukhalelo wa okhaviherya. Yehova onasiveliwano ni muchu ntoko yoowo, mweeparipari “Muluku onamusivela yoole onavaha moohakalala.” Apiipiliya akina ataphuleliwe mmukhalelo ola “onavaha n’ohakalala t’onamusiveliha Muluku.”
Mphwanye Muhakhu Woomunepani
(2 Korinto 9:15, Bibiliya Nsu na Muluku) Muluku atxitximihiwe wa nthowa na mahala awe òhilotxeya.
Mutakiherye ‘Mahala Òhilotxeya’ a Muluku
Paulo aanasuwela wi mukucho wa Yesu waahaala weeriha wi soororomeliha soothene sa Muluku sikhwaanele. (Mwaalakhanye 2 Korinto 1:20.) Ela enataphulela wi ‘mahala òhilotxeya’ a Muluku annavolowela ichu sincipale ohiya pahiru mukucho wa Yesu. Enaphitaanyerya ichu soothene saphaama seiyo Yehova onahaaleiye weera omwaahiyu. Yamahala eyo ti yoohithariheya. Tuuvi onaphwanela okhala moonelo ahu vooloca sa yamahala yeela? Nave enaphwanela oneeriha weera eheeni vaavaa nniireheryaahu ntakhara Mukonelo wa Apwiya nihiku Naneeraru 23 a Marsu a 2016?
(2 Korinto 10:17) Yoowo oniithamala, iithamalele mwa Apwiya.
g99 8/7 ipaax. 20-21
Apwanne ti Yoonanara Wiithamala?
Mu Soorempwa sa Ekriki sa (Nlakano na Hihano), masu kau·khaʹo·mai, anataphuleliwa “wiirumiha, wiicukhula, wisoonamo, nave annaphariheliwa mmakupa oomeeli, oonanara ni aphaama. Ntoko yootakiherya, Paulo ooloca wi hiyaano nnaphwanela wiithamala ‘nimucicimihaka Muluku.’ Owo tho onnanceenyerya ariki: “Yoowo oniithamala, iithamalele mwa Apwiya.” (Aro 5:2; 2Kor 10:17) Ela enataphulela wi wiirumiha ni Yehova ntoko Muluku ahu, meerelo anahaala onikhaviherya ovuwiha nsina nawe naphaama ni ophwanelela wawe.
20-26 A MAIYU
MUHAKHU WA MASU A MULUKU | 2 KORINTO 11-13
“‘Mwiiwa Mmwiilini’ Mwa Paulo”
(2 Korinto 12:7) Wi kihiirumihe wanthowa na sawuupululeliwa seiye soopwaha, kaavahiwa mwiiwa mmwiilini mwaka, murummwa a saataana akimana wi kihiirumiheke.
w08 15/6 ipaax. 3-4
Oolipa Naamwi Erino Sooceecheya
Kapuro mukina oororomeleya a Yehova, aamveka Yehova wi aviihevo “mwiiwa mmwiilini,” ela tiwi, nikacamiho nootitelela. Murummwa Paulo aahiveka wa Muluku ikwaha raru wi amwaakihe wa yaweeha yeela. Moohiphwacha nikacamiho taani aareiyeno, nenlo naalikana ni mwiiwa, naanwerya omuhiiha Paulo okhalano ohakalala mmuteko awe wa Yehova. Paulo aalikanyiha mukhalelo yoola ni omaniwa moohihiyererya. Yehova aahaakhula ariki: “Mahala aka annokhwaanela weyo, ntakhara ikuru saka sinnakhwaanihereya mwa oceecheya.” Yehova haaviihalevo mwiiwa mmwiilini mwa Paulo. Nyenya Paulo aaphwanela ovilelano, owo aaloca, “Vaavaa kinaceecheyaaka, kinalipaaka.” (2Kor 12:7-10) Tiheeni owo achuneiye oloca ni masu yaala?
(2 Korinto 12:8, 9) Kaahaavekela Apwiya ikwaha chaaru wi ekiviiheryevo, 9 nto awo yaahaakhula, eriki: “Mahala aka annokhwaanela weyo, ntakhara ikuru saka sinnakhwaanihereya mwa oceecheya.” Hiiha, onnakisivela wiithamalela mu sooceecheya saka wi ikuru sa Kristu ikhaleke mwa miyo.
w06 15/12 epaax. 24 ipar. 17-18
Yehova Onahaala “Waavaha Munepa Waweela wa Yaale Anaaveka”
Aakhulaka nivekelo na Paulo, Muluku aaloca: “Mahala aka annokhwaanela weyo, ntakhara ikuru saka sinnakhwaanihereya mwa oceecheya.” Nave Paulo aaloca: “Hiihaa, onnakisivela wiithamalela mu sooceecheya saka wi ikuru sa Kristu ikhaleke mwa miyo.” (2Kor 12:9; Sal 147:5) Mwawiihiiha, Paulo aahoona moorweela wa Kristu, ikuru sa waakiha sa Muluku siveleeliwe wa yoowo ntoko musakala. Olelo, Yehova onnaakhula mavekelo ahu mmukhalelo woolikana. Owo onnaavaha akapuro awe oothene naakiho ntoko musakala.
Mwawooneya, musakala honaakiha epula naari echeku, nyenya mweeparipari, onnavaha naakiho vyakala mu sawoopiha seiya. Moolikana, musakala onavahiwa ni “ikuru sa Kristu” honanaakiha wi nihikumanekeno saweeha ni makacamiho. Nyenya naamwi hiiha, musakala owo onnanaakiha mmakupa oomunepani wa ichu seelapo yeela vamoha ni mulamuleli aya Satana. (Wup 7:9, 15, 16) Mwawiihiiha, naamwi yaweeha nlelo etitelenle, muroromele wi Yehova onnoona owaniha wanyu nave wi onahaala owiriyana ‘okhuwela’ wanyu. (Isa 30:19; 2Kor 1:3, 4) Paulo aarepa, “Muluku toororomeleya nave haneemererya wi mweehiwe opwaha owerya wanyu. Muneehiwaanyu onarwa oothoonyeryaani woovuluwelavo wi muweryeke ovilela.”—1Kor 10:13; Fil 4:6, 7.
(2 Korinto 12:10) Wanthowa na Kristu, kinnahakalalela mu oceecheya, mu oruwaniwa, mu othowiwa, mu ohocahociwa, mu ohooshiwa. Vaavaa kinaceecheyaaka, kinalipaaka.
w18.01 epaax. 5 ipar. 8-9
“Apwiya Annanvaha Ikuru Yole Ovelavenle”
Mwaalakhanye Isaiya 40:30. Akhweya nnamukhalano mavyakelo mancipale, nyenya nihiwerye opaka echu ni ikuru sahu. Nna nihusiheryo oothene ahu nnaphwanelaahu ohuserya. Murummwa Paulo aahikhalano owerya wa opaka ichu sincipale, nyenya owo haawerya opaka echu eri yoothene aachuneiye. Vaavaa aamulenleiye Yehova mukhalelo owo ooneiye, Yehova aahimuleela: “Owerya [waka] onnàkhwaniheya motxetxheyani.” Paulo aahiiwexexa yeeyo Yehova aamulenleiye. Ti yeeyo yaamweerinhe oloca: “Kakhalaka awotxeya, vàva kinalipaka.” (2Kor 12:7-10) Tiheeni aachuneiye oloca?
Paulo aahisuwela wi waahikhalavo munlaano wa yeeyo aahaaleiye opaka mu ikuru sawe. Owo aanachuna nikhaviheryo noorweela wa yoowo orino owerya otokotoko. Munepa waweela wa Muluku waahaala omvaha ikuru vaavaa eereiye aceecheye. Nave munepa waahala opaka sincipale. Munepa waweela wa Muluku waahaala omvaha Paulo owerya wa waakhwaniha opaka ichu seiho owo eereiye ahaakhwanihe ni ikuru sawe. Echu emohamoha enamweereyatho ni hiyo. Vaavaa Yehova oneereiye anivahe munepa waweela, mweeparipari nnahaala okhala oolipa!
Mphwanye Muhakhu Woomunepani
(2 Korinto 12:2-4) Koomusuwela muchu a mwa Kristu, yoowo mwa miyaakha khumi nasheshe ivirale, aawelihiwe ophiyerya erimu yaneeraru. Waari mwa mwiili hooye, wahaari mwa mwiili, nkisuwenle; Muluku tosuwenle. 3 Koosuwela wi muchu ene yoowo (waari mwa mwiili hooye, waahaari mwa mwiili, nkisuwenle; Muluku tosuwenle) 4 aawelihiwa aya nipuro nawiichuuwa nave aahiiwa ichu soohiweryeya olokoha naari sooheemereryiwa olociwa ti muchu.
w18.12 epaax. 8 ipar. 10-12
Makoho a Alipa Waalakhanya
“Erimu yaneeraru” enalociwa mu 2 Korinto 12:2 woonaru onaahiwa Omwene wa Mesiya mmatani mwa Yesu Kristu vamoha ni awoocihiwa 144.000, yaawo anapaka makupa a “erimo yahihano.”—2Ped 3:13.
Ela “erimu yaneeraru” nthowa nawi mukhalelo Omwene owo onalamulelaaya ti woopwahaxa, ni wavasuluxa.
“Nipuro nawiichuuwa” nenlo Paulo ‘aawelihiweiyewo’ mu yawoona, woonaru enaahiwa (1) Parataiso awooneya yoowo onahaala okhala veelaponi yavathi, (2) parataiso oomunepani yoowo onahaala okhalavo ohoolo waya, yoowo onahaala okhala wa oothene moohiyana ni parataiso oomunepani okhanlevo hiihaano, nave (3) “nipuro nawiichuuwa na Muluku” nnahaala okhalavo wirimu vamoha ni elapo evyaani.
(2 Korinto 13:12, Nlakano Nahihano) Lochelanani ni onúla wawéla.
it-1 epaax. 325
Onúla
“Onúla wawéla.” Mwa Akristu oopacerya waakhalavo “onúla wawéla” (Aro 16:16; 1Kor 16:20; 2Kor 13:12; 1Tes 5:26) naari “onula wa osivela” (1Ped 5:14, NN), yaavahana ni achu a mwiikho woolikana. Mukhalelo yoola wa olocela wa Akristu oopacerya akhweya waaniiwanana ni meerelo akhalai a Ahepri a onuulana yaalocelanaka. Naamwi Soorempwa sihivahereryaka soothene, “onúla wawéla” naari “onula wa osivela” mwawooneya waanooniherya osivela ni wiiwanana waphaama yoowo waarivovo mmuloko Weekristu.—Yoh 13:34, 35
27 A MAIYU–2 A YUNYU
MUHAKHU WA MASU A MULUKU | GALASYA 1-3
“Kaamvaanya Niwehanaka”
(Galasya 2:11-13) Nto, muhoolo mwaya, Peeturu aaphiyaleiye wAntiyokeya, kamvaanya niwehanaka, vawi aakhalano nthowa. 12 Tiwi, ehaakuvale ophiya akina a nikhuuru na Yaakopo, Peeturu aanalya ni amalapo, nto yaaphiyalaaya, aahiya olyano, amwalamwalano awoovaka yaale yaacicimiherya oshileiwa. 13 AYuuta akina a mmulokoni, yaamutakiherya Peeturu mu owoka weiwe, ophiyerya ahuwelihiwe tho ni Parnape ene mu owoka waya.
Mano, Munnatakiherya Ekhaikhai ya Yehova?
Mwaalakhanye Galasya 2:11-14. Petro aanawoova akhwaawe. (Masi 29:25) Petro aanasuwela mukhalelo Yehova aawooneiye achu yahaari Ayuta. Naamwi hiiha, owo aanoova wi Akristu yaari Ayuta yaawo yaaya oxekurya o Yerusalemu, hiyaahaala osiveliwa omoona akhalaka vamoha ni Akristu yahaari Ayuta. Murummwa Paulo aahimuleela Petro wi aari nawiisootherye. Ntakhara heeni? Nthowa nawi Paulo aahinwiriyana Petro awaakihaka achu yahaari Ayuta va muthukumano weeriwe o Yerusalemu mu eyaakha ya 49. (Saw 15:12; Gal 2:13) Mano, Akristu yahaari Ayuta yaawo Petro aaphunceiye yoonne hai? Apwanne yaahaala okwaculeya? Apwanne Petro aahiyeleela mirici sawe nthowa na yoohesa awe?
(Galasya 2:14) Nto, koonnaaka wi meecelo aya hiyaacharinhe eparipari ya michaka yaphaama, kaaloca ni Peeturu vamiithoni va oothene, kiriki: “weyo wa muYuuta, nto oneerano ntoko mmalapo, ohiya muYuuta. Vano nthowa taani onawaakelelihaa amalapo eYuuta?”
w13 15/3 epaax. 5 epara. 12
Yaale Anamusivela Yehova “Haanono Yookwaculiha”
Petro aahooniherya owoova achu, vakina vaya aakwaculeya vancipale, naamwi hiiha, owo aahikhala oororomeleya wa Yesu ni wa Yehova. Ntoko yootakiherya, owo aahimukhooca Pwiya awe vanlakani vene, ohiya pahiru ekwaha emoha, nyenya ikwaha raru. (Luka 22:54-62) Ohoolo waya, Petro heenreno mwawiiwanana ni meerelo Eekristu, aakhalihaka Akristu oohithikiliwa ntoko wi awo hiyaari oophwanelela waapwaha Akristu oothikiliwa yaari Ayuta. Nyenya murummwa Paulo aahoona mwaha owo mookwakwaleya—hinaarivo nthowa nimoharu na nthalu mmulokoni. Moonelo wa Petro waari wooheseya. Moonelo awe ohaakumve onanariha wiiwanana wa onna, Paulo aahimvaha ekano mooluluwanya, ewehanaka. (Gal 2:11-14) Mpwanne Petro aahikhala oocecheya mu wiirumiha wawe ophiyerya ohiya ochimaka wawe ntakhara okumi? Hooye. Owo aahipharihela ekano ya Paulo ophiyerya aatitelela ochimaka.
Mphwanye Muhakhu Woomunepani
(Galasya 2:20) Aayi kamukumi, nto tahi yoomi ene, ti Kristu ori mukumi mwa miyo. Okumi kiryaakano hihano wa mwiili, kinakhalano mwa ororomeleya wa mwaana a Muluku, yoowo okikhwenle, iiveleela mwanene wanthowa na miyo.
w14 9/15 epaax. 16 ipar. 20-21
Mmurumeele Muluku Moororomeleya Moohipwacha “Sohosha Sinchipale”
Hanka vooloca sa ohiphela woovitheya? Ntoko yootakiherya, nni niwerye hai ovootha okhulumuwa? Mukhalelo mmoha woophwanelela ori wuupuwelela woopola. Ti yeeyo murummwa Paulo eereiye. Wiiliwiili, owo aanakhala oothanana. Nyenya aasuwela wi Kristu aakhwa, ohiya ntakhara achu oophaameya, nyenya wa alipa oocheka. Nave Paulo aari mmoha a alipa oocheka yaawo. Owo aarepa: “Okumi yowo kiryakano hihano m’mwílini kirino mu nroromelo na Mwana a Muluku, yowo ákisivenle, íleva mekhiye ntakhara a miyo.” (Gal 2:20) Aai, Paulo aaheemererya woopola. Owo aaroora wi woopola waanamvolowela yene mukhateiye.
Okhalano moonelo mmohamoha wa woonaka woopola ntoko yoovaha ya Yehova wa nyuwo mukhatiinyu enamookhaviheryaani vancipale. Ela henataphulela wi okhulumuwa onahaala ocakanela mwawaakuveya. Vakina vaya, akina a hiyo anahaala owanano ohiphela woovitheya ophiyerya mweelapo yahiihaano. Nyenya muupuwele: Phatamari onahaala okhala a yaale eni ehikookele muculi. Hiyaano ninnaacamela nihiku nootikiniha nenlo Omwene wa Muluku onahaalaaya otikitherya murecele ni weeriha wi achu oothene oororomeleya ekhale oophaameya. Khalani oolakelela ovolowa mu Omwene owo—naamwi mukumanaka ni soohooxa sincipale.
(Galasya 3:1) Alolo nyu, aKalata, muloiwe taani? Yeesu Kristu haperekhiwe vamiithoni vanyu wi aathomeiwa . . . [vamwirini]?
it-2 epaax. 171
Ekaarata wa Akalatiya
Masu a Paulo awi: “Alolo nyu aKalata,” tahi wi Paulo uupuwela pahiru nloko nimoha, ela tiwi, achu oothene o Kalata yaawo yaarwenle veeri wa epooma yo Kalata. (Gal 3:1) Nyenya Paulo aasamela anna akina a mmulokoni yaawo yeemerenrye ovoloweliwa ni meerelo a Ayuta, yaawo yeererya wiisooneiha ntoko Ayuta moorweela wa ochariha malamulo a Mose, ohiya okhala ‘oororomeleya’ wa Kristu moorweela wa otikitherya nlakano nivyaani. (2:15–3:14; 4:9, 10) Vooloca sa mahimo, “muloko wa . . . oKalata” (1:2) yoowo Paulo aarepenleiye, yaakhalamo Ayuta ni yaawo yahaari Ayuta, yaala ookuchula yaari aheleni oothikiliwa vamoha tho ni amalapo oothikiliwa, nave moohikhwa minikwa, akina a yaawo yaarweenle o Seltika. (Saw 13:14, 43; 16:1; Gal 5:2) Nave oothene awo yiichaniwa Akristu o Kalata nthowa nawi nipuro yaakhalaayawo niichaniwa o Kalata. Michaka sa Paulo saaya xaxaxa wa yaale aasuwenleiye phaama a makupa oomoko a eprovinsia yo Roma, ohiya wa yaale ahaasuwenleiye anakhala veeri va epooma yeela, woona wi hantonko waaxekurya.