Ireferensiya Inaphwanyeya va Yoochariha ya Muthukumano Okumi ni Muteko Ahu Weekristu
1-7 A MARSU
MUHAKHU WA MASU A MULUKU | NAMAREPELA 7-8
“Mahusiheryo Nnaphwanyaahu Orweela wa Mapuro Yaamakaayamo Aisarayeli”
it-1 epaax. 540 epara. 7
Mmulokoni
Asitokweene o Isarayeli, wiiliwiili yaanakhaviherya mu nipuro na nloko. (Esd 10:14) Hiihaa, “asitokweene a imusi saya ni mahimo” yaapaka sooveleela amanle weemexiwa tapernaakulu. (Nam 7:1-11) Nave tho, yoole eemelela makupa aakhala “òroromeleya àtxitximiha,” mmahiku a Nehemiya yaari anamukucho, Alevi, ni “wa asitokweene a muloko.” (Neh 9:38–10:27) Variyari va mukwaha wa Aisarayeli mutakhwani, yaakhalavo “ahooleli oosuwanyeya ni oocicimiheya yaathanliwe mmulokoni” awaakhwana 250, akina a yaawo yaathukumana wa Kora, Datanu, Apiramu ni Oni, wi eloce vamoha ni Mose ni Aroni. (Nam 16:1-3) Mwawiiwanana ni ohoolela wooMuluku, Mose aahaathanla asitokweene 70 a Aisarayeli, yaawo yaari oororomeleya, wi emukhaviherye ‘omoorola murici’ yoowo ahihaaleiye owerya waakhwaniherya meekheiye. (Nam 11:16, 17, 24, 25) Onamukucho 4:15 onnaaloca “alopwana oothene munlokoni,” nave enakhala woona wi ahooleli a achu yaari asitokweene a nloko, makholo aya, alipa oothoriha ni ahooleli.—Nam 1:4, 16; Yos 23:2; 24:1.
it-3 epaax. 467 epara. 4
Rupeni
Mmuxakalani wa Aisarayeli, a Rupeni, waarukureryiwe ni muyareriwo wa Siimiyoni ni Kati, yaakhala vakhiviru va tapernaakulu. Variyari va mukwaha, okawanyeya wuuwu wa maloko mararu, ehooleliwaka ni Rupeni, yaanachara okawanyiwa wa makhuuru mararu a nloko na Ayuta, Isakari ni Sepuloni. (Nam 2:10-16; 10:14-20) Nla tho naari nlamulo nenlo na mahimo vaavaa yaaperenkhaaya sooveleela mu nihiku aareelihiweiye tapernaakulu.—Nam 7:1, 2, 10-47.
w04 1/8 epaax. 25 epara. 1
Miyaha sa Vasulu Sinarweela mu Liivuru a Namarepela
8:25, 26. Wi okhalevo okhapeleleya phaama mirici sa muteko wa Alevi, nave sipwachiwaka ni iyaakha saya, yaalamuleliwa alopwana awunnuwelavo wi ehiphareke miteko soowalamela. Mwawiihiiha, awo yanwerya wiivaha wi yaakhaviheryeke Alevi akina. Olelo tho, naamwi alaleeryi a Omwene ehihiyaka muteko aya, nlakiheryo na nlamulo nenla ninnanivaha nihusiheryo noochuneya. Vaavaa Mukristu, nthowa na okhalano iyaakha itokweene, ahinawerya waakhwaniherya mirici, owo onanwerya ophara yeeyo onaweryeiye.
Muhakhu Woomunepani
it-3 epaax. 328
Mwaana, Oopacerya Oyariwa
Vakina vaya alopwana oopacerya oyariwa a Aisarayeli, yaari yaale yaakhuma mmuyareriwo, ekhalaka asitokweene a imusi soohiyanahiyana, awo tho yaaneemelela nloko noothene. Nave ohoolo waya, Yehova aahiichana nloko noothene ntoko “mwanaka oopacerya,” nikhalaka nloko nawe noopacerya oyariwa nthowa na nlakano aapankeiye ni Aparahamu. (Muk 4:22) Moorweela wa okhapelela ikumi saya, Yehova aalamulela wi “mukiveleelele anamwane oothene oopacerya oyariwa soopacerya oyariwa soothene seelopwana,” nave yaaveleeliwa wa yoowo. (Muk 13:2) Hiihaa, anamwane aasilopwana oopacerya oyariwa yaanaveleeliwa wa Muluku.
8-14 A MARSU
MUHAKHU WA MASU A MULUKU | NAMAREPELA 9-10
“Mukhalelo Yehova Onaahooleleiye Achu Awe”
it-1 epaax. 39 epara. 6
Elapo
Othaama wuuwu oya mapuro makina (variyari va 40 mapuro a omaka enatharihiwa ni Mose mu Namarepela 33) nave tho yaari yawooniherya yootikhiniha ya marehereryo. Vaavaa neeku neemelaayavo nikhala osulu, achu yaanathaama. “Chiri mwa masu a Apwiya ti yaakilaathaaya nave tiyeecaaya.” (Nam 9:15-23) Mapeca meeli a eparata, yaamaniwa ni amarithelo, yaanavahererya eneneeryo ntakhara malakiheryo a Yehova wa achu oothene. (Nam 10:2, 5, 6) Mapeca yaarumaaya mootitelela achu yaanacimula mukwahaaya. Ekwaha yoopacerya yeeren’yaaya waari mu “mahiku makhumi meeli [1512 E.K.] a eyaakha yanaawiili.” Ni ekaaxa ya nlakano, okawanyiwa wa mahimo mararu, ehooleliwaka ni Yuta, echareliwaka ni Isakari nave voocharela ni Sepuloni, enapwaha. Yaanachariwa ni Akerixoni ni a Merari eteenxe ikaruma sa tapernaakulu seiho yaarummwalaaya. Voocharela yaanaachara mahimo mararu ehooleliwaka ni Rupeni, nchariwaka ni Simiyoni ni Kaate. Oculi waya yaanaachara Akehati etenxe ichu saweela sa muxakala, voocharela okawanyiwa wa nloko naneeraru, nloko na Efarayimu nchariwaka ni a Manasi ni a Penyamini. Vookuchulani, yaacimula maloko a Taane yaari awaakiha oculi, echariwaka ni Aseri ni Nafitali. Nyenya wa makhuuru meeli awaaca ni oowerya yaanahoolela ohoolo akina oculi.—Nam 10:11-28.
w11 15/4 ipaax. 4-5
Mpwanne Munnoona Sawooniherya sa Ohoolela wa Muluku?
Mmukhalelo taani nnooniheryaahu wi ninnaakuvela ochariha ohoolela wa Muluku? Murummwa Paulo ooloca: “Muwiiweleleke ahooleli anyu nave muweemereryeke yaawo.” (Ahe. 13:17) Nyenya onanwerya akhala woovila weerano yeela. Wi nlikanyihe: Mwiikuhe mu nipuro na Muisarayeli mmahiku a Mose. Mwaanyiherye ela, mmanle weeca mukwaha, nikalume na mooro ninneemela. Ilukuluku kavi munahaalaanyu okhala aweemela? Nihiku nimoha? Esumana emoha? Miyeeri vakhaani? Nyuwaano munniikoha: ‘Ti yaphaama kitaphule maphuta oothene?’ Yoopacerya, nyuwaano akhweya munnakuxa pahiru yeeyo munachunaanyu. Nyenya, evinre mahiku vakhaani, nvelelavenle orehererya ichu sanyu, munnapacerya otaphula soothene. Voocharela mmanle otaphula ni orehererya soothene, nikalume na mooro ninneemela—nave onnachuneya orehererya soothene wanaawiili wi mpacerye mukwaha! Eyo hiyaahaala okhala yookhweya. Naamwi hiiha, Aisarayeli “ti yaacimula aya.”—Nam. 9:17-22.
Hanka vooloca sa hiyaano, nnoona hai vaavaa nnaakhelaahu ohoolela wooMuluku? Ninneererya ochariha ‘mwawaakuveya’? Naari wi nnapaka ichu ntoko nikhovelenlaahu? Ninnachariha ohoolela wahiihaanoru, ntoko weeciha soohuserya sa Piipiliya, waalaleerya anamarwa mu ekulucu ahu, opaka malapelo a echoko moohihiyererya, wiiwelela Nikhuuru Nniiwanana ni Exipitali, ni okhalano meecelo aphaama mmithukumano sa miceche? Mukhalelo mukina wa wooniherya waakuvela ochariha ohoolela wa Muluku ori waakhulela ikano. Variyari va opaka soolakelela itokweene hiyaano hinnaroromela miruku sahu, nyenya ochariha ohoolela wa Yehova ni marehereryo awe. Hiihaa ntoko mwaana onaavyeiye ohoolela wa asitiithi awe elukuluku yawoopiha, hiyaano ninnaavya waakihiwa mmarehereryo a Yehova vaavaa makacamiho a elapo ananoopopihaaya.
Muhakhu Woomunepani
it-1 epaax. 253 epara. 5
Mithukumano Mitokotoko
Ochuneya Waya Othukumana. Ochuneya waya ophuravo phaameene yamahala ya Yehova ya othukumana, enniiwanana ni ifesta sa eyaakha ya Paskha. Muchu oothene aphaama, ahiri tho vamukwahani emoona okiraathi nihiku nenla, ahimweerano Paskha, aaphwanela wiiphiwa. (Nam 9:9-14) Vaavaa Mwene Esekiya aawompeiye achu a Yuta ni Aisarayeli o Yerusalemu wi yapake efesta ya Paskha, makupa makina a muchaka awe, oni: “Murukunuwele wa Apwiya . . . vano muhikhale aciyamaaru ntoko makholo anyu, nto muwookolele matata anyu Apwiya, murwe onipuroni naya naweela nenlo athanlilaaya wa mahiku oothene. Mwaalapeke Apwiya Muluku anyu wi esara aya emaale ni nyuwo . . . ntakhara Apwiya Muluku anyu tamahala ni oomoriwa ikharari. Herwa yoohiyaani, mwakookela wa yaawo.” (2Math 30:6-9) Olakelela mwaayiini ocompela ifesta seiha, mweeparipari yaahaala wooniherya wi woomuhiya Yehova. Nyenya, naamwi ifesta seihe ntoko sa Paskha sahiphariheleyaka wa Akristu, Paulo aahaaceenyerya awo ophiya mmithukumano moohihiyererya sa akapuro a Muluku, alocaka wi: “Nuupuwelelaneke mukina ni mukhwaawe, nlipisheryanaka mu osivela ni mwa miteko yaphaama.”—Ahe 10:24, 25; moone CONGREGAÇÃO.
15-21 A MARSU
MUHAKHU WA MASU A MULUKU | NAMAREPELA 11-12
“Ntakhara Heeni Nnaphwanelaahu Osepa Oceenya Naari Wiikhupanyerya?”
w01 15/6 epaax. 17 epara. 20
Nihikhale Alipa Oowiriyanaru ni Oocuwala
Akristu ancipale hanavolowela mukhalelo wa opaka ocapaheya. Nyenya nnaphwanela okhalano ekaasoope wi nihichare meerelo yaawo anamweeriha muchu opacerya oceenya naari wiikhupanyerya, yeeyo yaahaala okumiherya oheemereryiwa ni Muluku. Paulo onnanlopola: “Nihimweererye Kristu, ntoko akina yaale yeenreno, elummwa ti inowa, etholowa. Muhiwaapeke, ntoko akina yaale yaawaampe, yiiphiwa ti mulipa ootolosha.” (1 Kor 10:9, 10) Aisarayeli yaamuceenya ni omukhupanya Mose ni Aroni—aai, ophiyerya tho Muluku—yiikhupanyeryaka nthowa na yamahala yootikhiniha ya mana. (Nam 16:41; 21:5) Mpwanne Yehova aanyenyen’ye vakhaani nthowa na waapa waya ohiya opaka waya mararuwo? Piipiliya onnaloca wi alipa awaapa ancipale yaakhwa ni inowa. (Nam 21:6) Mu ekwaha emoha, opwaha 14.700 achu oomwaryeya ni awaapa yaatoloxiwa. (Nam 16:49) Mwa yeeyo, hinnaphwanela weeha opisa murima wa Yehova moorweela wa ohicicimiha soovaha sawe.
w06 15/7 epaax. 15 epara. 7
‘Mmaale Owaapa Akina’
Mukhalelo wa Aisarayeli waatorokeya! Othamalela waya woopacerya nthowa na ovuluxiwa Oyikuputu ni olapuwa Eniya Yooxeerya waaweeriha wiipa macipo oomucicimihano Yehova. (Muk 15:1-21) Variyari va makacamiho mutakhwani ni owoova waya Akanani, mweeparipari, othamalela wa achu a Muluku waaraceelihiwa munepa woohisiveliwa. Ohiya omuthamalela Muluku nthowa na waavuluxa wawe, awo yaaniikhupanyerya yoonaka ntoko wi yaamuhooxiwa. Mwa yeeyo, waapa waya wooniherya oyeleela othamalela soovaha sa Yehova. Hiwaavovo minikwa wi ti nthowa nene owo aalonceiye wi: “Ophiyerya liini achu ala oonanara ekaapaka miyo?”—Nam 14:27; 21:5.
it-1 epaax. 100 epara. 3
Waakaaha
Waapa. Waapa onnaceecheiha naari ohooxa. Aisarayeli, emanle okhuma Oyikuputu, yaamwaapa Yehova, yaakaahaka ohoolela wawe moorweela wa Mose ni Aroni. (Muk 16:2, 7) Ohoolo waya, waapa waya waamunyeenyeiha Mose, ophiyerya wi owo aanaveka okhwa. (Nam 11:13-15) Waapa onanwerya okumiherya okhwa wa mulipa awaapa. Yehova onne ichu saalociwe ni alipa oomwaapa Mose ntoko waakaaha woomwaryeya mu ohoolela Wawe wooMuluku. (Nam 14:26-30) Akina yaayeleela ikumi saya nthowa na sookhumelela sa waakaaha.
Muhakhu Woomunepani
it-2 epaax. 748
Mana
Otharihiwa. Mana yaari “ntoko iphaawu soohiheliwa miropo” nave mukhalelo aya ‘waari’ ntoko mpewu waweela, waalikana ni manlela, a mwiri. Osiva waya waalikana ni “iphaawu soopakiwa ni oravo” naari “ipoolu, seiyo saasiva ntoko seetheiwe ni makhurwa.” Emanle oxiliwa naari ovociwa, mana yaanaapeiwa, naari opakeliweliwa ipoolu.—Muk 16:23, 31; Nam 11:7, 8.
22-28 A MARSU
MUHAKHU WA MASU A MULUKU | NAMAREPELA 13-14
“Mukhalelo Nroromelo Nnaneerihaaya Okhala Oolipa Murima”
w06 1/10 ipaax. 16-17 ipara. 5-6
Olipa Murima Orweela wa Nroromelo ni Woova Woomucicimiha Muluku
Anamahocela eeli, Yosuwa ni Kalepi, yaakhalano nchuno na ovolowa Elapo Yoolaiheryiwa. Awo yaaloca wi Akanani ‘nnamwaavootha.’ “Awo haanono awaakhapelela, nto hiyo nookhalano, ta Apwiya. Muhiwoove achu yaale.” (Nam 14:9) Mpwanne Yosuwa ni Kalepi yaari oolosowa nthowa nawi yaaroromela? Tahi yeeyo! Vamoha ni achu akina yaahanle, awo yaamoona Yehova omuyeviha wawe Muyikuputu oowerya ni amuluku awe, moorweela wa Ipahu Khumi. Voocharela awo yaamoona Yehova amuneelihaka Farawo ni anakhoco awe mu eniya Yooxeerya. (Sal 136:15) Mweeparipari, ti yawooneya wi woova wa anamahocela khumi ni yaale yaaweemerenrye hiyaarino mathowa oophwanela a wiisaakiha. Anyeenyen’ye, Yehova aahi: “Ophiyerya liini ehikiroromelaka nari yoonaka ineneeryo saka?”—Nam 14:11.
Yehova aaloca mooluluwanya nikacamiho nene—meerelo a nloko yaahooniherya othoiwa waya nroromelo. Mweeparipari, nroromelo ni olipa murima sinniiwanana, ophiyerya wi murummwa Pedro onnawerya othariha vooloca sa ekhoco yoomunepani yeeyo muloko Weekristu onawanihaaya: “Owerya wahu ovootha elapo ya vathi, ti wu: nroromelo nahu.” (1 Yoh 5:4) Olelo, nroromelo nnalikana na Yosuwa ni Kalepi, ninneeriha olaleeryiwa michaka yaphaama ya Omwene mu elapo yoothene opwaha macikhwi 6 a Anamoona a Yehova, amiravo ni awunnuwelavo, oowerya ni ooceecheya. Haavovo mwiicani onawerya waamaaliha anakhoco yaala oowerya ni oolipa murima.—Aro 8:31.
Muhakhu Woomunepani
it-1 epaax. 644
Elapo Yehova Aavanheiye Aisarayeli
Elapo yeeyo Muluku aavanheiye Aisarayeli yaari echaya yaphaama. Vaavaa Mose aaruminheiye anamahocela ohoolo wa muloko wi yahocele elapo Yoolaiheryiwa nave wi eruuhe sawiima ntoko eneneeryo, awo yaachika ehenke muthiko mutokotoko wa uuva, emakelela vamwirini, naamwi yaachika yoovaka, nthowa na oyeleela nroromelo, naamwi hiihaa awo yaaloca: Elapo “yooreela mwawaacasha mukaka ni enuwi!”—Nam 13:23, 27.
29 A MARSU–4 A APIRILI
MUHAKHU WA MASU A MULUKU | NAMAREPELA 15-16
“Musepe Wiirumiha ni Wiiroromelaxa”
w11 15/9 epaax. 27 epara. 12
Mpwanne Yehova Ohoosuwelaani?
Ohoolo waya, vaavaa nloko na Aisarayeli naaryaaya mmukwaha aya wa Elapo Yoolaiheryiwa Kora aahuupuwela wi marehereryo a Muluku yaahesa. Voocharela, alopwana oosuwanyeya awaakhwana 250 veeri va nloko yaathukumana ohoolo wawe wi yeererye opaka matorokelo. Kora ni akina mweeparipari yuupuwela wi onthamwene aya ni Yehova waari woolipa. Awo yaaloca ni Mose ni Aroni: “Mootepa! Aisarayeli ala oothene ta awawe Apwiya ari veeri vaya.” (Nam. 16:1-3) Ola mukhalelo wawiiroromela ni wawiirumiha! Mose aahaaleela: “Apwiya anamunooniherya taani ori awaya.” (Mwaalakhanye Namarepela 16:5.) Wookuchulani mu nihiku noocharela, Kora ni oothene yaale yeemerenrye omwareya wawe yaakhwa.—Nam. 16:31-35.
w11 15/9 epaax. 27 epara. 11
Mpwanne Yehova Ohoosuwelaani?
Mose ni Kora eri yootakiherya yoochuneyaxa vooloca sa wooniherya ncicimiho vooloca sa ohoolela wa Yehova ni soolakelela sawe. Meerelo aya yaahooniherya mukhalelo Yehova aakhalinheiye. Kora aari muLeevi muKohati nave aakhalano ikari sincipale. Wa seiho saavolowela woona ovuluxiwa waya nloko mu olapuwa Eniya Yooxeerya, okhaviherya olaka wooMuluku wa Aisarayeli oohiiwelela omwaako Sinai ni okhaviherya othaamihiwa wa ekaaxa ya nlakano. (Muk. 32:26-29; Nam. 3:30, 31) Mwawooneya owo aakhala ororomeleya wa Yehova mu iyaakha sincipale, mwa yeeyo, ancipale a Aisarayeli yaanamutikhina.
Muhakhu Woomunepani
w98 1/9 epaax. 20 ipara. 1-2
Mukuhe Ichu Soochuneyaxa mu Nipuro Noopacerya
Yehova oona mwaha owo okhala mutokweene. Piipiliya oni, “Apwiya yaahi wa Moose: ‘Mulopwana owo akhwe.’” (Nam 15:35) Ntakhara heeni Yehova aanyeenyeya ni yeeyo mulopwana aapankeiye?
Muloko waakhalano mahiku mathanu nammoha wi ethukumanye ikhuuni, hiihaa ntoko okhapelela soothowa sa soolya, soowara, nnipuro nookhalavo. Yaaphwanela ohiyaka nihiku nimoha ntakhara soothowa saya soomunepani. Naamwi yaahiri yoonanara othukumanya ikhuuni, yaari yoocheka weerano yeeyo mu nihiku na omulapela Yehova. Naamwi Akristu ehikhalaka vathi va Nlamulo na Mose, yaweereya yeela ennanihusiha nihusiheryo noochuneyaxa vooloca sa okhalano moonelo woophwanelela wa ichu soochuneyaxa mmahiku ahu, mpwanne tahi eparipari?—Fil 1:10.
5-11 A APIRILI
MUHAKHU WA MASU A MULUKU | NAMAREPELA 17-19
“Ti Miyaano . . . Yoohiyeryiwa-á”
w11 15/9 epaax. 13 epara. 9
Munnamweerya Yehova Ntoko Yoohiyeryiwa Anyu?
Nwuupuwele Alevi, yaawo yaahaakhenle elapo yoohiyeryiwa. Moorweela okhala achu yaapwacha malapelo aweela, awo yaaphwanela omuroromela Yehova wi aahaala okhwaaniheryaka soothowa saya. Owo aahaaleela: “Miyo kiri nipatusho naa.” (Nam. 18:20) Naamwi nihirumeelaka mu empa ya Muluku mwawooneya, ntoko anamukucho a Alevi, nnanwerya otakiherya wiivaha waya, nroromelaka wi Yehova onahaala onivaha yeeyo nnachunaahu. Ororomela owerya wa Muluku sa onikhapelela ti woochuneyaxa mmahiku yaala ookuchula.—Wup. 13:17.
w11 15/9 ipaax. 7-8 epara. 4
Yehova Yoohiyeryiwa Aka
Tiivi yaari yookhumelela wa muteko yoola wa Alevi? Yehova aaloca wi owo aari nipatuxo naya mmukhalelo wawi, ohiya waakhela elapo yoohiyeryiwa, awo yaavahiwa ekari yavameekhaaya sa muteko. Yoohiyeryiwa aya yaavolowela “okhala alipa a mukucho a Apwiya”. (Yos. 18:7) Yoorepa ya Namarepela 18:20 ennooniherya wi eyo hiyaahin’ye okhala oohaawa mmakupa oomwiilini. (Mwaalakhanye Namarepela 18:19, 21, 24.) Wa Alevi yaaphwanela ‘waakhelaka sooveleela saneekhumi yaavahiwaaya ni Aisarayeli ntoko yoohiyeryiwa aya.’ Awo yaahaakhela iprusentu 10 sa soolya sa Aisarayeli ni waaca wa axinama a vaate. Ikwaha ikina, Alevi, yaanaveleela yaneekhumi opwaha yaakhenlaaya, “sooreerasha,” wi yaakhaviherye anamukuchoo. (Nam. 18:25-29) Saanaveleeliwa tho wa anamukucho “sooveleela soothene sawaaliwa” seiho anamwane Aisarayeli yaaveleelaaya wa Muluku mu nipuro nawe na malapelo. Mwa yeeyo, emusi ya anamukucho yaakhalano mathowa a ororomela wi Yehova aahaala waavaha seiho saathowa.
Muhakhu Woomunepani
g02 8/6 epaax. 14 epara. 2
Maakha—Toochuneyaxa
Maakha yaanooniherya okhala eneneeryo ya okhapelela ichu. Ti nthowa nene Mpiipiliyani nlakano noohimala niichaniwaaya “waataana woohimala yaweeriwano ni maakha,” vaavaa makupa meeli yaalyiwaaya yoolya, ni maakha, wi opakiwe waataana woohimala. (Nam 18:19) Vathi va Nlamulo na Mose, yaanaceenyeryiwa wi maakha yaaphwanela opwexereryiwa ni soolya sa mikucho saavahiwa va altare, moohikhwa minikwa wi yooniherye wi hiyaahaala wuuca naari osukumana.
12-18 A APIRILI
MUHAKHU WA MASU A MULUKU | NAMAREPELA 20-21
“Mukhapelele Wiichacala Wanyu Variyari va Okhinyereryiwa”
Mwaavye Wiichacala Nave Mmuhakalalihe Yehova
Wakhala wi naachu awiichacala, nnahaala osepa opaka soocheka. Muupuwele vakhaani vooloca sa Mose. Mu iyaakha masana aahiikhalelaru awiichacala nave aanamuhakalaliha Yehova. Voocharela, omakuchuwelo wa iyaakha makhumi masese sookacamiha mu mukwaha wa mutakhwani, Mose aahihesa wooniherya wiichacala. Murokora awe yoowo onakhala wi taamukhavihenrye ovulusa ekumi awe o Yikuputu, aahikhwa nave aahivithiwa o Katesi. Nave wanaawiili Aisarayeli yaaniikhupanyerya wi hiyaakhapeleliwa mwawaakhwanela. Mu elukuluku yeela awo “yaanaceenya [wa Mose]” wa nthowa na orama wa maahi. Moohipwacha sootikhiniha soothene Yehova aapankeiye orweela wa Mose nave moohipwacha ohoolela wa Mose woohikhala nrima, achu yaaniikhupanyerya. Tahi wi awo yiikhupanyerya pahiru vooloca sa othowa wa maahi nyenya tho vooloca sa Mose, ntoko wi aari yoowo aatannyile nikacamiho na othowa yoolya ni maahi.—Nam. 20:1-5, 9-11.
Mwaavye Wiichacala Nave Mmuhakalalihe Yehova
Ni murima woosarasareya, Mose aahiyeleela mukhalelo wawiiyeviha. Ohiya oloca mwa nroromelo wa mwala, ntoko Yehova aamulamulenleiye, Mose aahiloca mwawiirumiha wa achu iivahaka ncicimiho mukhateiye. Voocharela, Mose aahimana mwala ikwaha piili nave maahi mancipale yaahikhuma. Wiirumiha ni onanariwa saahimweeriha opaka yoocheka etokotoko. (Sal. 106:32, 33) Oyeleela wawe wiichacala mu elukuluku vakhaani, Mose heemereryiwe ovolowa mu elapo ya Nlakano.—Nam. 20:12.
Orweela wa yootakiherya yeela, ninnahuserya echu yoochuneya. Yoopacerya, nnaphwanela wiilipiserya wi nikhapelele moonelo ahu wa wiichacala. Wakhala wi noohiya yeela mu elukuluku vakhaani, wiirumiha onamunnuwa mukhataaya nave onamuneeriha oloca naari weera ichu moololo. Yanaawiili, elukuluku nnakhalaahu ookhulumuwa onamukhala woovila okhala awiichacala, mwawiihiiha nnaphwanela wiilipiserya wi nikhale awiichacala, naamwi nihoolelaka okhinyererya.
w09 1/9 epaax. 19 epara. 5
Muthoriha Oophwanelela Opaka Yeele Eri Yaphaama
Yoopacerya, Muluku haamulamulenle Mose oloca ni nloko, ahaakumve omwareya. Yanaawiili, Mose ni Aroni hiyaamvanhe Muluku ncicimiho. “Muluku aaloca, nyuwaano . . . himwaakiroromenle naari okicicimiha mano.” (Eversikulu 12) Moorweela wa oloca “munachuna wi nikumihe maahi,” Mose aalonce ntoko yene ni Aroni ti yaahaala weeriha—okhuma maahi yaale ootikhiniha, ohiya—Muluku. Yaneeraru, masu yaala enakhala mwawiiwanana ni othoriha okina wa Muluku. Owo heemerenrye maloko makina oomwaryeya ovolowa Okaanani, mwa yeeyo aaheerano echu emohamoha ni Mose ni Aroni. (Nam 14:22, 23) Yaneexexe, Mose ni Aroni yaari ahooleli Aisarayeli. Vaava muchu onakhaleiyeno mirici mincipale, Muluku onnaweherya sincipale wa yoowo.—Luka 12:48.
Muhakhu Woomunepani
w14 15/6 epaax. 26 epara. 12
Mano Nyuwaano Munnoona Oceecheya wa Achu Hiihaa Ntoko Muluku Onooneiye?
Wa mikhalelo soothene sa seiha, Yehova anwerya omulaka Aroni mwawaakuveya. Nyenya Owo aanasuwela wi Aroni haari muchu oonanara murima naari okhalano nthowa. Enakhala woona wi Aroni aaheemererya ovoloweliwa ni mikhalelo naari okhinyereryiwa ni achu akina. Nyenya, vaavaa aasuwenleiye soohesa sawe, owo mwawiiyeviha aaheemererya olaka wa Yehova. (Muk. 32:26; Nam. 12:11; 20:23-27) Yehova aalakelela otikitheryeya mu nroromelo ni ocharuwa wa Aroni. Iyaakha ohoolo waya, Aroni ni muyareriwo awe yaanuupuweleliwa ntoko achu yaamoova Yehova.—Sal. 115:10-12; 135:19, 20.
19-25 A APIRILI
MUHAKHU WA MASU A MULUKU | NAMAREPELA 22-24
“Yehova Onneeriha Wuulumela Okhala Nreeliho”
bt ipaax. 53-55 epara. 5
Filipi Onnalaleerya “Michaka Yaphaama Vooloca sa Yesu”
Olelo, hiihaa ntoko mu nsana noopacerya, wiikariwa wa achu a Muluku honawerya ohiiha olaleeryiwa michaka yaphaama. Wiiliwiili, waakhinyererya Akristu othaamela mapuro oohiyanahiyana—akina waawalela mukariposo naari elapo ekina—nyenya pahiru eyo enaakhaviherya awo okuxa michaka saphaama sa Omwene wa achu mmapuro yaala. Ntoko yootakiherya, variyari va Ekhoco Yanaawiili ya Elapo Yoothene, Anamoona a Yehova yaawerya ovaha onamoona mmapuro wa alipa oophariwa o Nasista. Muyuta mmoha aasuwenle Anamoona a Yehova ooloca: “Meecelo aphaama aalipa oophariwa yaawo yaari Anamoona a Yehova yaakeeriha olekecheya wi nroromelo yaaryaayano naathipeleya Mpiipiliyani, nave tho kitakiherya nroromelo nenla.”
it-2 epaax. 717
Wiichacala
Wiirumiha Onamunyemula Yehova. Mulipa a miririmu Palamu aanachuna owuulumela Aisarayeli, wi aakhele ikhorowa sa mwene Palaki o Mowape, nyenya Yehova aamuhiiha nave aakwatelela wiilipixerya wawe. Murummwa Pedro oorepa vooloca sa Palamu, wi “puuru oohiloca, aaloca ntoko muchu, ahiiha olosowa wa mulipa a miririmo yoole.” Vooloca sa olosowa wa Palamu, murummwa Pedro apharihenle masu a Ekriki pa·ra·phro·niʹa, enataphulela “ochariha moonelo wa muchu mwaneene.”—2Ped 2:15, 16; Nam 22:26-31.
Muhakhu Woomunepani
w04 1/8 epaax. 27 epara. 2
Miyaha sa Vasulu Sinarweela mu Liivuru a Namarepela
22:20-22—Ntakhara heeni esara ya Yehova yaanyahuwela wa Palamu? Yehova aamuleela mulipa a miririmu Palamu wi owo haaphwanela owuulumela Aisarayeli. (Nam 22:12) Nyenya, Palamu ni alopwana a Palaki yaalakelela oya owuulumela. Palamu aachuna omuhakalaliha mwene o Mowape ni waakhela yamahala. (2 Ped 2:15, 16; Yuda 11) Naamwi Palamu aalamuleliwe waareeliha Aisarayeli, ohiya owuulumela, owo aahaaxaxa okhwela weemereryiwa ni mwene yeerihaka wi athiyana yaawo yaamulapela Paala ephariheliwe wi yaahuwelihe alopwana a Aisarayeli. (Nam 31:15, 16) Ti nthowa nene esara ya Muluku yaanyahuwenlaaya wa mulopwana yoola anrima.
26 A APIRILI–2 A MAIYU
MUHAKHU WA MASU A MULUKU | NAMAREPELA 25-26
“Mano ti Wooweryeya Muchu Okhala Oohiyana?”
“Chawani Mararuwo!”
MULIPA oomesa ihopa onnamesa nipuro nenlo onasuweleiye wi onahaala ophara ihopa seiho onachuneiye. Owo onnathanla yoomesano ahela va nimeso nave onnavonyerya nimeso nlo mmaahini. Moomaleleya owo onnaweherya wi ehopa enahaala omirya nimeso. Yamala omirya, mulipa oomesa onnaruula nimeso wi aphare ehopa.
Ela enneereya ni achu. Ntoko yootakiherya, Aisarayeli yaacamelaka ophiya Elapo ya Nlakano, yaaheemela mu elukuluku yavakhaani waacamela elapo yo Mowape. Mwene o Mowape aalaiherya wa mulopwana awiichaniwa Palamu wi ahaala omvaha ikhorowa sincipale waakhanle wi owerya owuulumela Aisarayeli. Woona wi haawenrye weerano eyo, Palamu aahaasya mukhalelo mukina wi Aisarayeli yiisuulumele mukhataaya. Owo ahaapharihela athiyana o Mowape ntoko yoomesano. Awo yaanaya mmixakala sa Aisarayeli wi yaalekeche alopwana.—Namarepela 22:1-7; 31:15, 16; Wupulula 2:14.
“Chawani Mararuwo!”
Ntakhara heeni Aisarayeli oothene ala yaacheka? Yaacheka nthowa nawi yuupuwelela pahiru soochuna saya nave yaacuwala soothene Yehova aaweerenleiye. Aisarayeli yaakhalano mathowa oophwanelela wi ekhale oororomeleya wa Muluku. Ni mahala a Yehova awo yaahiya okhala akapuro Oyikuputu, hiyaakhwile etala mutakhwani, nave yaahanle vakhaani ovolowa mu Elapo ya Nlakano. (Ahe 3:12) Naamwi hiiha, awo yaahuwelihiwa ni ocapaheya. Murummwa Paulo oriye: “Nihiraruweke ntoko akina yenraaya, emora ookhwa ene nihiku nimoha nenlo.”—1 Korinto 10:8.
Muhakhu Woomunepani
it-3 ipaax. 694-695 ipara. 8-9
Minlaano
Mwawiihiiha, enakhala woona wi okaweliwa elapo maloko yaalamuleliwe ni mathowa meeli: yookhumelela ya ovonyiwa ikari ni waaca wa nloko. Akhweya ikari, saathipeleya pahiru wa nipuro na elapo yoohiyeryiwa yeeyo nloko ni nloko naakhelaaya, yaavolowela othanleliwa nipuro wa mmoha a muyareriwo naari nipuro nikina na elapo yeele, ntoko N naari S, E naari W, variyari va mureyareya, makupa a miyaako. Yoolakelela yeela yaarweela wa Yehova, waari wi ohikhalevo nrima naari owanawanana variyari va nloko. (Masi 16:33) Mmukhalelo yoola, Muluku aahaala ohoolela ichu wi mikhalelo sa nihimo nnihimo ekhale mwawiiwanana ni yooloherya ya Yakopo ahalaka vakhaani okhwa, yeeyo enaphwanyeya mu Maphatxuwelo 49:1-33.
Samala ovonyiwa ikari okaweliwa weeriwano ni yookhovelea ya maloko, waahaala ochuneya ovareryela winnuwa wa elapo mwawiiwanana ni nthowa nanawiili: winnuwa waya. “Mukawane ni imusi sanyu nto mpacerye weeheryela ehako. Imusi sawaacasha saakheleke elapo etokweene, nto mwa imusi ikhaani saakheleke elapo ekhaani. Nloko ni nloko nikhaleke vaavaa ehako enchomaayavo.” (Nam 33:54) Yoolakelela ya ekari mwawiiwanana ni mathipelo a sookhovelela, nyenya waanakhala wookhweya opaka matorokelo vooloca sa waaca wa muyareryiwo. Mwawiihiiha, vaava yooninwaaya wi elapo ya Ayuta yaari etokweene, makupa makina a elapo aya yaakukuciwa, makupa makina a elapo ekaweliwa nloko na Simeyoni.—Yos 19:9.