• Munanwerya Okhala Nthamwene a Yehova
    Mpuhe Okumi Okhala Wookhala!—Ovaanela Vooloca Sa Piipiliya

    • Munanwerya Okhala Nthamwene a Yehova

      Yehova onachuna wi nyuwaano mmusuwele phaama. Ntakhara heeni? Owo onaweherya wi vaavaa munahaalaanyu ohuserya vancipale vooloca sa mikhalelo sawe, meerelo awe, ni yookhwela awe, munahaala tho ochuna okhala nthamwene awe. Apwanne munneemererya wi ti wooweryeya okhala nthamwene a Muluku? (Mwaalakhanye Salumu 25:14.) Tiheeni munaphwanelaanyu weera wi mukhale nthamwene a Muluku? Piipiliya onnaakhula makoho yaala nave onnooniherya wi onthamwene ni Yehova echu yoochuneya munaphwanelaanyu okhalano.

      1. Tiheeni Yehova onoovekeiyeeni wi mpake?

      “Mwaacameleeni Muluku, yoowo onarwa awaacamelaani nyuwo.” (Tiyako 4:8) Ela enataphulela eheeni? Yehova onnoowopaani wi mukhale nthamwene awe. Wa akina onamukhala woovila weemererya wi ananwerya okhala nthamwene a Muluku nthowa nawi hanawerya omoona. Naamwi hiiha, Mmasu awe, Piipiliya, Yehova onnanooniherya ichu soothene nnaphwanelaahu osuwela vooloca sa mikhalelo sawe wi niwerye omwaacamela yoowo. Vaavaa nnaalakhanyaahu michaka sa Muluku Mpiipiliyani, onthamwene ahu ni Yehova onnannuwa naamwi nihiweryaka omoona.

      2. Ntakhara heeni Yehova Nthamwene aphaama munaphwanelaanyu okhalano?

      Yehova onnoosivelaani vancipale waapwaha achu akina. Owo onachuna wi nyuwaano muhakalale ni olocaka ni yoowo elukuluku vyakala munachunaanyu nikhaviheryo. Nyuwaano munanwerya “oriha wa yowo wipa murima wanyu wothene, ntakhara Yowo tanothokororyiyeni nyuwo.” (1 Pedro 5:7, NN) Ilukuluku soothene Yehova ori oorehereya waakhaviherya, waalipiha, ni waawiriyana asinthamwene awe.—Mwaalakhanye Salumu 94:18, 19.

      3. Tiheeni Yehova onaweheryeiye wa asinthamwene awe?

      Yehova onnaasivela achu oothene, ‘nto onniiwananano awookololowa murima.’ (Masiposipo 3:32) Yehova onaweherya wi asinthamwene awe yeereryeke opaka ichu seiyo onooneiye okhala saphaama ni osepa ichu seiyo onooneiye okhala soothanyeya. Akina anoona wi heni ewerye opaka soothene seiyo Yehova onooneiye okhala saphaama ni osepa soothene seiyo onooneiye okhala soothanyeya. Nyenya, Yehova onniiwexexa. Owo onnaweemererya oothene yaale anamusivela Yoowo ni aniilipixerya wi emuhakalalihe Yoowo.—Salumu 147:11; Saweriwa T’arummwa 10:34, 35.

      OHUSERYA MWAWIISEELA

      Muhuserye mukhalelo muneeraanyu mukhale nthamwene a Yehova, nave musuwele ntakhara heeni owo oreiye Nthamwene aphaama munaphwanelaanyu okhalano.

      4. Aparahamu aari nthamwene a Yehova

      Yaweereya ya Mpiipiliyani vooloca sa Aparahamu (yoowo tho iichaniwa Aparamu) ennanikhaviherya wiiwexexa yeeyo enataphulela okhala nthamwene a Muluku. Mwaalakhanye vooloca sa Aparahamu mu Maphatxuwelo 12:1-4. Voocharela muthokororye makoho ala:

      • Tiheeni Yehova aamvenkeiye Aparahamu wi apake?

      • Tiheeni Yehova aamuroromelinheiye?

      • Aparahamu aakhulenle hai sooleeliherya sa Yehova?

      5. Yeeyo Yehova onaavekeiye asinthamwene awe

      Mweeparipari hiyaano ninnaweherya ichu ikina wa asinthamwene ahu.

      • Ichu taani ikina munachunaanyu wi asinthamwene anyu epakeke ntakhara nyuwaano?

      Mwaalakhanye 1 Yohani 5:3, voocharela muthokororye nikoho nla:

      • Tiheeni Yehova onaweheryeiye wa asinthamwene awe?

      Wi niwerye omwiiwelela Yehova, nnaphwanela otoroka meecelo ni omuchu ahu. Mwaalakhanye Isaiya 48:17, 18, nave voocharela muthokororye nikoho nla:

      • Ntakhara heeni Yehova onnaaveka asinthamwene awe opaka matorokelo?

      Mulipa ooteka mmoha amvahereryaka kapaseti nthamwene awe wi iikhapeleleno.

      Nthamwene aphaama onanwerya onleela ichu sinahaala onikhapelela naari oniruuhela mphurelo. Yehova onneerano yeeyo wa asinthamwene awe

      6. Yeeyo Yehova onapakeiye wa asinthamwene awe

      Yehova onnaakhaviherya asinthamwene awe ovilela ni makacamiho. Moone EXILEMA, nave voocharela muthokororye nikoho nnacharela.

      EXILEMA: Jeová fez muita coisa por mim (3:20)

      • Ti mwawiihai Yehova aamukhavihenryeiye muthiyana mu exilema owaniha ni moonelo ni muupuwelo awe wooheseya?

      Mwaalakhanye Isaiya 41:10, 13, nave muthokororye makoho anacharela:

      • Tiheeni Yehova ororomelinheiye opaka wa asinthamwene awe?

      • Munuupuwela wi Yehova onamukhala Nthamwene aphaama? Ntakhara heeni?

      Iruku: Asinthamwene awaacameleya annakhaviheryana mukina ni mukhwaawe. 1. Mulopwana amukhaviheryaka nthamwene awe oteesa meesa oorakama. 2. Muthiyana achekulaka ni muthiyana mukhwaawe. 3. Mulopwana amukhaviheryaka nthamwene awe weeca.

      Asinthamwene awaacameleya annoovahaani nikhaviheryo vaavaa munachunaanyu. Yehova onahaala wookhaviheryaani tho

      7. Wi nikhale nthamwene a Yehova, nnaphwanela olocakano ni onwiriyana

      Asinthamwene annakhala awaacameleya wakhala wi annalocihana mukina ni mukhwaawe. Mwaalakhanye Salumu 86:6, 11, nave voocharela muthokororye makoho ala:

      • Nni niwerye hai olocihana ni Yehova?

      • Ti mwawiihai Yehova onaloceiye ni hiyaano?

      Iruku: 1. Muthiyana avekelaka. Eneneeryo emoha ethoonyaka osulu. 2. Muthiyana amwaalakhanyaka Piipiliya. Eneneeryo ethoonyaka vathi.

      Hiyaano nnaloca ni Yehova orweela mu nivekelo; owo onaloca ni hiyaano orweela Mpiipiliyani

      ACHU AKINA ANI: “Tahi wooweryeya okhala nthamwene a Muluku.”

      • Yoorepa taani mwaahaalaanyu opharihela wi mooniherye wi nnanwerya okhala nthamwene a Yehova?

      MUKWASU

      Yehova onachuna wi mukhale Nthamwene awe, nave onahaala wookhaviheryaani omwaacamela.

      Makoho awuuluulela

      • Yehova onaakhaviherya hai asinthamwene awe?

      • Ntakhara heeni Yehova onnaahusiha asinthamwene awe opaka matorokelo?

      • Mano, munuupuwela wi Yehova onnawehererya sincipale wa asinthamwene awe? Waakhanle wi aa ntakhara heeni, naari waakhanle wi hooye ntakhara heeni?

      Yoolakelela

      OTHOLATHOLA

      Onthamwene ni Muluku oni otoroke hai okumi anyu?

      “Jeová, o Deus que vale a pena conhecer” (A Sentinela, 15 de fevereiro de 2003)

      Muhuserye mukhalelo muneeraanyu mukhale nthamwene a Muluku.

      “Como posso me tornar amigo de Deus?” (Os Jovens Perguntam—Respostas Práticas, Volume 2, capítulo 35)

      Moone ti mwawiihai muthiyana mmoha oonneiye wi onthamwene ni Yehova waaheeriha okumi awe okhala phaama.

      “Eu não queria morrer!” (A Sentinela, n.º 1 de 2017)

      Mwaawiriyane amiravo elocaka moonelo aya vooloca sa Yehova.

      O que significa ser amigo de Deus? (1:46)