EPIIPILIYOTEKA ya Watchtower

Piipiliya Onnaroromeliha Omwaahiyu Woohakalaliha

Mpuhe Okumi Okhala Wookhala!—Ovaanela Vooloca Sa Piipiliya
- 2. Ichu taani inahaala weereya muhoolo seiyo Piipiliya onaloceiye?
  
  Piipiliya onnaloca wi muhoolo “horwa tho okhalavo okhwa, nari winla, nari ikucho, nari wiicela.” (Mwaalakhanye Wupulula 21:4.) Makacamiho yaawo anaweeriha achu ohikhalano ewehereryo olelo—ntoko ohaawa, ohookololowa, wiiceliwa ni okhwa herwa tho ekhalavo. Piipiliya onnaroromeliha wi achu anahaala opuha okumi okhala wookhala mu Parataiso veelaponi yavathi.

Ntakhara Heeni Ichu Soonanara Sinneereya Nave Ntakhara Heeni Achu Anahooxeyaaya?

Mpuhe Okumi Okhala Wookhala!—Ovaanela Vooloca Sa Piipiliya
- 7. Muluku onahaala omaliha ohooxeya woothene wa achu
  
  Mwaalakhanye Isaiya 65:17 ni Wuupulula 21:3, 4, voocharela muthokororye nikoho nla:
  
  Ntakhara heeni ti yoolipiha osuwela wi Yehova onahaala oviihavo ohooxeya woothene achu anahoolelaaya?
  
  Nyuwaano mwaanasuwela?
  
  Vaavaa Satana aalonceiye yawootha yoopacerya, owo aamootherya Yehova. Ela tiwi, owo aaweeriha achu wuupuwela soonanara vooloca sa Yehova moorweela wa oloca wi Yehova tahi Mulamuleli aphaama ni oosivela. Vaavaa Yehova onahaaleiye omaliha makacamiho aachu muhoolo, owo onahaala weeliha nsina nawe. Mmasu makina, owo onahaala wooniherya wi olamulelo awe chiryene ti waphaama. Weelihiwa wa nsina na Yehova ori mwaha woochuneya mweelapo yoothene.—Mateu 6:9, 10.