MUHAKHU WA MASU A MULUKU | MAPHATXUWELO 29-30

Othela wa Yakopo

29:18-28

Mutheli elocihanaka, epharelanne matata, nave ekiraathe vakhiviru wa mukina ni mukhwaawe. Piipiliya oohuleyeene ari vakhiviru.

Yakopo hasuwenle makacamiho yaahaala okhumelela mu othela. Rakele ni Liya, yaahiicana. (Map 29:32; 30:1, 8) Naamwi aahoolela makacamiho, Yakopo aahoona wi Yehova aanamukhaviherya. (Map 30:29, 30, 43) Ohoolo waya, muyareriwo awe waakhala nloko na Aisarayeli.—Rut 4:11.

Mmahiku ahu, yaale analakelela othela anahaala okhalano makacamiho. (1Kor 7:28) Naamwi hiiha, ananwerya okhumelela phaama mu othela waya ni okhala oohakalala moorweela omuroromela Yehova ni opharihela malakiheryo a Mpiipiliyani.—Masi 3:5, 6; Éfe 5:33.