MAKOHO A PIIPILIYA AAKHULIWE

Ti wooweryeya omalihiwa ohaawa veelaponi?

Achu ancipale annakhwa eyaakha eri yoothene nthowa na ohaawa ohilya phaama ni ireca. Naamwi ilapo ikina achu tooreela, achu ancipale toohaawa. Piipiliya onnathariha wi ohaawa onniikhalelaru mwa achu.​—Mwaalakhanye Yohani 12:8.

Onnachuneya olamulelo wi omalihevo ohaawa. Olamulelo owo wookhalano owerya wi okhwaaniherye soothowa sa elapo mmakhalelo aphaama. Omwene yoowo onahaala omaliha ikhoco, seiyo ineeriha wi onakhalavo ohaawa. Muluku onnalaiherya omwene yoowo muvyaani.​—Mwaalakhanye Daniyeli 2:44.

Taani onahaala omaliha ohaawa?

Muluku oomuthanla mwanawe, Yesu, wi aalamuleleke achu oothene. (Salumu 2:4-8) Yesu onahaala omaliha ohaawa, ohooxa ni nlala.​—Mwaalakhanye Salumu 72:8, 12-14.

Ntoko “Mwene a muretxele” olaiheryiwe, Yesu onahaala otikitherya murecele woophareleleya veelaponi. Oothene enii enamukhala mu ipa saya, enapuha muteko woohakalaliha, ni yoolya yawaaca.​—Mwaalakhanye Isaiya 9:5, 6; 65:21-23.

Wi muhuserye sincipale, moone mwaha 8 wa liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onnaphwanyeya tho mu www.jw.org/ngl