MWAHA WA EKAAPA | MUNANWERYA OMWIIWEXEXA PIIPILIYA

Ntakhara Heeni ti Woochuneya Omwiiwexexa Piipiliya?

“Piipiliya liivuru oosuweliwa mmalapelo. Nyenya hasuweliwe ni achu a o Xina.”​—LIN, XINA.

“Nkintonko omwiiwexexa liivuru aweela a malapelo aka a Hintu. Kaahaala omwiiwexexa hai Piipiliya?”​—AMIT, INTIYA.

“Kinnamucicimiha Piipiliya ntoko liivuru akhalai nave kinniiwa elociwaka wi ori liivuru aphaama. Nyenya nkintonko omoona.”​—YUMIKO, XAPAU.

Achu ancipale orukurerya elapo annamucicimiha Piipiliya. Nyenya hasuwenle echu vooloca sa yeeyo oreiyeno. Chiryene, eyo enneereya wa macikhwi anakhala o Asiya, ni mu ilapo sincipale mwemmo onaphwanyeyamo Piipiliya.

Akhweya munamwiikoha: ‘Ntakhara heeni kinnaphwanela omwiiwexexa Piipiliya?’ Osuwela yeeyo liivuru yoola aweela onaloceiye enamookhaviheryaani okhalano mphurelo onacharela:

• Ophwanya ohakalala

• Ovilela ni makacamiho a emusi

• Oovootha wuukhuwa

• Okhala nthamwene aphaama

• Opharihela ikhorowa mwa miruku

Mmuupuwele Yoshiko, a o Xapau. Yoshiko aanakhwa minikwa vooloca sa Piipiliya, mwawiihiiha, aalakelela omwaalakhanya. Teevi yaari yookhumelela? “Piipiliya ookikhaviherya ophwanya yoolakelela ya okumi ni ewehereryo vooloca sa omwaahiyu.” Owo onnaaceererya: “Kookhalano mukhalelo waphaama wa, mpuwa.” Amit, olociwe woopaceryani, aalakelela omwaalikhela Piipiliya mukhateiye. Amit onnaloca: “Kaatikhiniheya. Piipiliya ookhalano miselo soophara muteko wa muchu ori oothene.” Piipiliya onnavolowela mwawiiseela ikumi sa macikhwi a achu. Mmwaalikhele wi moone mukhalelo onahaaleiye wookhaviheryaani.

[Ekaaxa va epaaxina 3]

Wa miselo sawaaceererya vooloca sa mwemmo Piipiliya onahaaleiye wookhaviheryaani, moone eproxura Como Ter uma Vida Satisfatória, elaleeryiwe ti Anamoona a Yehova.