34 Aefa daʼö, ifuli zui fahuhuo Yehowa khö Moze, ”Halö ngawalö zomuhua andre:+ gitö rasamala, uli geʼoi somuhua, gitö galabanu, ba sindruhu gumöyö. Enaʼö fagölö-gölö fefu waʼoya. 35 Fazökhi ngawalö zomuhua+ andrö nihaogö famaruka,* ba nönö nasio+ ba wamazökhi sumange somuhua niʼamoniʼö ba si sökhi. 36 Tutu ösa tobali hamo ba beʼe ösa hamo daʼö föna Wamaduhuʼö ba nose waʼowulo, ba gamaudu nifalukhaisigu yaʼugö dania. Enaʼö fondrege niʼamoniʼö ia ba wamaigimi.

8 Me ihalö gölu-gölu zura andrö Ono Mbiri-biri, latuhi danö fönania ira kerubi si daöfa hegöi ira satua sokubaloi si 24.+ Ero samösa zatua sokubaloi no lagogohe harafa ba mako anaʼa safönu sumange somuhua. (Sumange somuhua andrö eluahania fangandrö niha niʼamoniʼö.)+

3 Tohare malaʼika tanö böʼö solohe naha wanunu sumange somuhua moroi ba ganaʼa, mosindro ia ahatö ba naha wanunu sumange.+ Oya sibai nibeʼe khönia sumange somuhua+ enaʼö itunu ba naha wanunu sumange nifazökhi moroi ba ganaʼa+ föna dadaoma andrö na tefondrondrongo wangandrö niha niʼamoniʼö fefu. 4 Fangandrö niha niʼamoniʼö ba simbo moroi ba zumange somuhua si so ba danga malaʼika andrö,+ fagölö-gölö numalö miyawa föna Lowalangi. 5 Aefa daʼö, ihalö maʼifu galitö moroi ba naha wanunu sumange malaʼika no mege, ifoʼösi naha zumange somuhua ba ifazaumba ba gulidanö. Terongo weʼugu-ugu mbanua hegöi li tanö böʼö, so göi gari mbanua+ awö ndruru danö.