4 Iadaʼa, no ibeʼe Yehowa waʼahono dödö khö ndra talifusömi simane nifabuʼunia khöra.+ Börö daʼö, tola mangawuli ami ba nosemi ba danö nibeʼe Moze enoni Yehowa andrö khömi tanö yefo* Nungo Nidanö Yoridano.+

9 Aefa daʼö, laröi ndraono Gizaraʼeli tanö böʼö ira mado Rubeno, mado Gado ba matonga mado Manase. Mofanö ira moroi ba Zilo si so ba Ganaʼana ba mangawuli ira ba danö Gileadi,+ tanö nibeʼe tobali nahia waʼatoröira simane niwaʼö Yehowa nifaʼemania khö Moze.+