16 ”’Na ibeʼe gurifö andrö tobali sumange ba wamalua buʼusa li+ mazui sumange si no aoha gölö fameʼe+ enaʼö muʼa ba ngaluo mubeʼe ia, ba tola muʼa zi törania mahemolu sihulö wongi.

18 ”Waʼö khö Gaʼaroni, iraononia matua, ba fefu ndraono Gizaraʼeli, ’Na so ndraono Gizaraʼeli mazui si fatewu ba Gizaraʼeli zameʼe sumange nitunu+ khö Yehowa, ba wamalua buʼusa li mazui ba wameʼe sumange si no aoha gölö,+ 19 yamubeʼe zawi si matua, biri-biri si matua sawuyu-wuyu, mazui nambi si lö fökhö,+ enaʼö itema Lowalangi.

21 ”’Na so zolohe sumange fangatulö+ khö Yehowa ba wamalua buʼusa li mazui ba wameʼe sumange si no aoha gölö, yamubeʼe zawi, biri-biri, mazui nambi si lö fökhö, enaʼö itema Lowalangi. Tebai so zageu gurifö andrö sofökhö.