6 Itörö fönania Yehowa ba imane, ”Yehowa, Lowalangi sahakhö tödö+ Yehowa andrö ba si sökhi böwö,+ lö alio mofönu+ ba fahöna waʼomasi si lö faröi+ ba faʼaduhu,*+

3 iʼohe ami mangawuli Yehowa Lowalangimi moroi ba nahia wangoloiʼö.+ Ihakhösi tödö göi ami Yehowa Lowalangimi+ ba iʼowuloi ami moroi ba soi si no ifazawili ami.+

9 Na mifuli ami khö Yehowa, latema waʼahakhö dödö ira talifusömi hegöi iraonomi si no muʼoloiʼö+ ba latehegö khöra wangawuli ba soi daʼa,+ börö me sahakhö tödö* Lowalangimi Yehowa ba sebua faʼomasi.+ Lö ibiniʼö mbawania khömi na mifuli ami khönia.”+

31 Hizaʼi, börö me ebua waʼahakhö dödöu, lö öhori ba lö öröi ira,+ börö me yaʼugö Lowalangi sebua tödö* ba sahakhö tödö.+