9 Imane zui Yehowa khö Moze, ”Uʼila wa sabeʼe högö* soi daʼa.+ 10 Böi tenawa ndraʼo. Mofönudo sibai ba uhori dania ira. Abölö sökhi na ngaʼötöu nibaliʼögu soi sebua.”+

3 Fao ndraono Gizaraʼeli ba wanömba Baʼali* Weoro+ irege mofönu sibai khöra Yehowa.

16 Miʼangelama faböi adöni dödömi ba miʼerogö ndraʼo ba wamosumange lowalangi tanö böʼö hegöi ba wangalulu khöra.+ 17 Na mifalua zimane daʼö ba mofönu khömi Yehowa. Iduhö mbanua si yawa irege lö moteu+ ba lö mowua zinanö ba danö. Tehori ami ba zi lö arara moroi ba danö si sökhi nibeʼe Yehowa.+

14 Mofönu sibai Yehowa ba ndraono Gizaraʼeli, irege ilulu ira ba danga zamakao yaʼira.+ Ifamawa ira ba danga zi faʼudu khöra ba zi fasuira+ ba lö khöra faʼabölö wolawa si faʼudu khöra.+