13 Latohugö wofanö moroi ba daʼö, lafazökhi nosera ba mbanua Garono.+ Ba danö si mate so mbanua Garono, tebörögö nola danönia ba mbanua niha Gamori. Daʼö göi nola danö Moabi, ba gotalua mbanua Moabi hegöi niha Gamori.

17 Aefa daʼö, lafatenge denge-tengera iraono Gizaraʼeli khö razo Gedomo+ ba wamaʼema oroisara, ”Tehegö khöma wanörö banuamö.” Hizaʼi, lö itehegö khöra razo Gedomo. Lafaʼema göi goroisara khö razo Moabi+ ba lö itehegö. Daʼö mbörö wa toröi manö ndraono Gizaraʼeli ba Gadesi.+ 18 Me latörö danö si mate, lö latörö danö Gedomo+ hegöi tanö Moabi. Lahene manö danö Moabi+ tanö ba gatumbukha ba lafazökhi nosera ba mbanua Garono si faola ba Moabi.+ Lö lahundragö mbanua Moabi.

10 Iadaʼa, no tohare niha Gamoni, Moabi, hegöi si toröi ba mbanua si so ba hili Zeʼira.+ Me aheta ndraono Gizaraʼeli moroi ba danö Miserai, lö ötehegö khöma wanuwö yaʼira. Maröi ira ba daʼö ba lö mabunu.+