18 Lahaogö lafareso gamadöniwara andrö ira sanguhuku.+ Na laʼila atö wa si falimo niha sameʼe famaduhuʼö andrö ba no iböbögö zi lö duhu khö dalifusönia, 19 mifatörö khönia hukuma simane si no iʼera-era khö dalifusönia ba wamobörö.+ Miheta zi lö sökhi ba gotaluami.+

20 ba lamane khö ndra satua mbanua andrö, ’Abeʼe sibai högö nonoma andre, omasi ia mamadaö, ba lö irongo wehedema. Oluʼa-luʼa sibai ia+ ba mabu-mabu.’+ 21 Ba fefu niha ba mbanua daʼö latebu ia faoma kara irege mate. Simane daʼö lala nitörö enaʼö aheta zi lö sökhi ba gotaluami irege larongo fefu iraono Gizaraʼeli ba ataʼu ira.+