9 Labiniʼö ira ba mbateʼe ndra alawe andrö ira niha Wilisiti ba wondraʼu Simesono. Ba imane Delila, ”He Simesono, tohare niha Wilisiti!” Me irongo daʼö Simesono, aoha sibai khönia wangetuʼö sinali wana andrö hulö mbana sakhozi.+ Lö sangila hadia mbörö wa abölö sibai ia.

12 Ihalö zinali si bohou Delila ba wamöbö Simesono. Gasa-gasa daʼö, labiniʼö ira ba mbateʼe ndra alawe andrö ira niha Wilisiti ba wondraʼu yaʼia. Aefa daʼö imane Delila, ”He Simesono, tohare niha Wilisiti!” Me irongo daʼö Simesono, iʼetuʼö zinali böbö dangania hulö na iʼetuʼö mbana.+

14 Iʼaroʼö wamakhai bu Zimesono si no mundrandra andrö Delila faoma taru-taru niʼogunaʼö ba wanoso. Aefa daʼö imane, ”He Simesono, tohare niha Wilisiti!” Maoso Zimesono ba naha wemörö ba idöni daru-taru fabaya bana wanoso andrö ba högönia.