5 Mofanö Zimesono fao ia khö namania ba inania, numalö ira ba Dimena. Me irugi kabu nagu ba Dimena, so sageu zingo siʼao sangondrasi yaʼia. 6 Iʼabölöʼö Zimesono andrö eheha Yehowa+ ba ibunu zingo daʼö, ibagi dua hulö nono nambi, lö fangöna ba dangania. Hizaʼi, lö ifatunö khö namania ba inania nifaluania andrö.

19 Ba iʼabölöʼö ia eheha Yehowa+ irege mofanö ia ba Gasekalo,+ ibunu 30 ndra matua ba daʼö, ihalö nukhara ba ibeʼe ba niha sanahö dahö-dahönia andrö.+ Mangawuli ia ba nomo namania si fao faʼaukhu dödö.

14 Me ofeta ia ba mbanua Lehi, lakila waʼiki ira niha Wilisiti me laʼila ia. Lö ara, iʼabölöʼö ia eheha Yehowa+ irege sinali famöbö dangania hulö mbana sakhozi, ba atoto mböbö dangania andrö.+