3 Me no 18 fakhe mamatörö Razo Yosia, ifatenge sekretaris gödo razo sotöi Safana ono Gasalia ba nomo Yehowa.+ Imane khönia, 4 ”Aeʼe khö gere sebua sotöi Hilikia+ ba andrö khönia enaʼö iʼowuloi fefu gefe niʼohe ba nomo Yehowa,+ si no laʼowuloi ira sanaro bawandruhö.+ 5 Aefa daʼö, labeʼe gefe daʼö ba danga niha si no latuyu tobali samaigi-maigi halöwö ba nomo Yehowa ba yaʼira dania zameʼe khö ndra sohalöwö sedöna mangaʼazökhi si no tekiko* ba nomo Yehowa,+ 6 ba labeʼe khö ndra tuka sogonekhe, samazökhi omo hegöi tuka zanoto kara. Ba gefe daʼö laʼöli geu awö gara nitoto ba wangaʼazökhi omo andrö.+