14 Me no taya namo andrö, ba so ngawua side-ide simane faʼebua damböni si hulö esi sombalugö tanö ba danö si mate.+

35 Laʼa mana iraono Gizaraʼeli sagötö zi 40 fakhe+ irege larugi mbanua si so niha.+ Laʼa mana irege ofeta ira ba nola danö Ganaʼana.+

31 Lafotöi iraono Gizaraʼeli roti daʼö ”mana”.* Hulö ngawua ketumbar safusi mana daʼö ba faʼaminia hulö kue sanifi si no labeʼe wewani.+ 32 Imane Moze, ”No iwaʼö Yehowa: ’Mihalö 2,2 liter* mana ba miʼiröʼö daʼö soguna khömi hegöi ba ngaʼötömi,+ enaʼö tola laʼila roti nibeʼegu khömi ba danö si mate, me uheta ami ba danö Miserai.’”

7 Hulö ngawua ketumbar+ mana+ daʼö ba hulö gitö* na mufaigi.

3 Andrö wa ifahaʼö ami enaʼö so khömi wangide-ngideʼö, itehegö olofo ami+ ba ibeʼe ömi mana,+ ö si lö irai miʼila, simanö göi ndra tuami, enaʼö aboto ba dödömi wa tenga ha ba gönia* auri niha, hizaʼi ba ngawalö li si otarai mbawa Yehowa.+

31 Me föna, no laʼa mana ira tuada ba danö si mate,+ simane si no tesura, ’Ibeʼe öra roti moroi ba zorugo.’”+

2 Fefu ira tebayagö idanö tobali soloʼö Moze me mowaö-waö ira barö lawuo ba me laʼötö nasi. 3 Fagölö-gölö laʼa gö si otarai khö Lowalangi,+