43 Me ifalua dandra-tandra ba Miserai+

Hegöi tandra sahöli-höli dödö ba Zoana,

44 Me ibaliʼö do gelea nungo nidanö Nilo+

Irege tebai labadu nidanö daʼö ira niha Miserai.

45 Iʼasogö ngawawa ndri segebua si manga yaʼira+

Hegöi talaho ba wamakiko yaʼira.+

46 Ibeʼe ö damo soluʼa-luʼa mbasitöra,

Hegöi bua waʼerege dödöra ba damo sanuwö.+

47 Ifakiko kabu nagu khöra faoma teu esi+

Awö döla geu ara* faoma teu kara.

48 Ihawui faoma teu esi gurifö sonoro khöra+

Ba ibözi guriföra faoma gari mbanua.*

49 Ihawui ira fönunia si hola-hola,

Fönu, faʼaukhu dödö, ba fangabu dödö,

Simanö göi ngawawa malaʼika laʼasogö wamakao.

Lö iʼefaʼö ira* moroi ba waʼamate;

Ba ihori ira* faoma fökhö waba.

51 Ba gafuriata, ibunu fefu nono siaʼa ba Miserai,+

Siaʼa nonora* ba nose-ose Khamo.