6 Lafuli zui lafalua zi lö sökhi iraono Gizaraʼeli föna Yehowa+ ba labörögö wamosumange Baʼali,+ adu Asaroti hegöi lowalangi Garamo,* lowalangi Zidona, lowalangi Moabi,+ lowalangi niha Gamoni+ awö lowalangi niha Wilisiti.+ Laröi Yehowa ba lö lafosumange ia. 7 Mofönu sibai Yehowa ba ndraono Gizaraʼeli ba ilulu ira ba danga niha Wilisiti hegöi ba danga niha Gamoni.+ 8 Ba ndröfi daʼö, lafakao ba lafaki dödö ndraono Gizaraʼeli. Sagötö ba zi 18 fakhe, lafakao ndraono Gizaraʼeli si so ba zinga Nungo Nidanö Yoridano. Daʼö mböröta mbanua niha Gamori si so ba mbanua Gileadi.