31 (Gowe saro khöra tenga simane Gowe Saro khöda,+

Ba lafaduhuʼö daʼö si faʼudu khöda.)+

 2 Samösa lö niʼamoniʼö simane Yehowa,

Lö hadöi simane yaʼugö,+

Ba lö hadöi gowe saro simane Lowalangima.+

33 Baʼa-baʼagu saro Lowalangi sindruhu,+

Yaʼia zamoʼahonoa lalagu.+

34 Iʼabölöʼö gahegu hulö gahe mböhö;

Iʼaroʼö gahegu wezizio ba nahia sagalawa.+

35 Ifahaʼö dangagu fasuwö;

Tola ifaöndrö tangagu nono* wana tembaga.

36 Öbeʼe khögu mbaluse fangorifi,

Ba molakhömi ndraʼo me so khöu wangide-ngideʼö.+

37 Öʼeboloʼö lala nitörögu;

Lö irai ahele gahegu.*+

38 Ugohi ba uhori fefu zi faʼudu khögu;

Lö mangawuli ndraʼo na lö sahori ira.

39 Ufufu ira ba uhori irege tebai maoso saʼae;+

Tegaölö tou ira barö gahegu.

40 Yaʼugö zameʼe khögu faʼabölö ba wasuwöta,+

Ba öʼekhugö tou zi faʼudu khögu.+

41 Öfoloi zi faʼudu khögu;+

Ba uhori* niha si fatiu tödö khögu dania.+

42 Muʼao ira ba wangandrö fanolo, hizaʼi lö hadöi sanolo;

Ba muʼao ira khö Yehowa ba lö ifondrondrongo.+

43 Ututu ira ba ohama simane gawu-gawu ba danö,

Ufufu ba uhundra-hundra ira simane tambu ba lala.