• 5 Moze 6:1, 2
    Buku Niʼamoniʼö Famoʼeluaha Gulidanö si Bohou

    • 6 ”Daʼa goroisa, amakhoita hegöi angetula huku nibeʼe Yehowa Lowalangimi nifahaʼögu khömi dania, enaʼö miʼoʼö fefu niwaʼönia na no mirugi danö nirabumi. 2 Börö zimanö, tola miʼataʼufi Yehowa Lowalangimi ba mifalua fefu gamakhoitania awö goroisania nifaʼemagu khömi hegöi ba ngaʼötömi+ sandrohu faʼaurimi, enaʼö anau nosomi.+

  • 5 Moze 30:19, 20
    Buku Niʼamoniʼö Famoʼeluaha Gulidanö si Bohou

    • 19 So dombua ngawalö nibeʼegu khömi si tola mifili, faʼauri ba faʼamate, howu-howu ba fangelifi.+ Banua si yawa awö danö zi tobali samaduhuʼö ba nifaluami. Mifili waʼauri faböi mate ami,+ yaʼami hegöi ngaʼötömi.+ 20 Ba miʼomasiʼö Yehowa Lowalangimi,+ mifondrondrongo wehedenia, böi mifaröi khönia,+ börö me Yehowa zameʼe nosomi irege lö tebulö so ami ba danö nifabuʼunia si no möi ia ba hölu khö ndra tuami Aberahamo, Izaʼaki ba Yakobo.”+

  • 1 Fetero 3:10-12
    Buku Niʼamoniʼö Famoʼeluaha Gulidanö si Bohou

    • 10 So ba zura, ”Haniha zangomasiʼö faʼauri, ba omasi ia na ohahau dödönia, yamutaha lelania moroi ba wehede si lö sökhi+ hegöi bewenia moroi ba walimosa. 11 Yamuʼaröuʼö ia moroi ba zi lö sökhi+ ba yamufalua zi sökhi,+ yamugohi ba muʼalui waʼatulö.+ 12 Ifaigi-faigi Yehowa* niha satulö ba ibeʼe mbörö dalingania ba wangandröra.+ Hizaʼi, lö omasi Yehowa* ba niha samalua si lö sökhi.”+