7 Ero na uwaʼö wa hasambalö udöni, ududugö, uhori zi sambua banua mazui famatörö,+ 8 ba labato soi andrö ba wamalua ngawalö zi lö sökhi si no utötöi, andrö wa ubulöʼö wangera-ngeragu* sanandrösa ba wamakao si no uʼera-era khöra.+ 9 Hizaʼi, ero na uwaʼö ufasindro ba utanö zi sambua soi mazui famatörö, 10 ba lafalua zi lö sökhi föna duduma hörögu ba lö laʼoʼö niwaʼögu, andrö wa ubulöʼö wangera-ngeragu* sanandrösa ba zi sökhi si no uʼera-era khöra.’

5 ”Daʼa niwaʼö Yehowa Lowalangi ndraono Gizaraʼeli: ’Niha Yehuda si no ufofanö moroi ba nahia andre ba si no muʼoloiʼö ba mbanua niha Galedaia, hulö mbua ara si sökhi ira ba wamaigigu. 6 Uʼameʼegö tödö ira enaʼö lasöndra waʼohahau dödö ba uʼohe ira mangawuli ba mbanua daʼa.+ Ufazökhi ira ba lö ufuli ududugö. Utanö ira ba lö ufuli udeha.+