14 Ba imane khögu Yehowa, ”Laʼogunaʼö döigu ira samaʼeleʼö daʼö ba walimosa.+ Lö nifatengegu yaʼira ba lö niwaʼögu khöra, mazui no fahuhuo ndraʼo khöra.+ Famaʼeleʼöra andrö angilata faya, angilata si lö eluaha, nifakhoi dödöra si fao faʼonekhe.+

15 ”Imane Yehowa, ’Lö irai ufatenge ira, hizaʼi mamaʼeleʼö faya ira ba döigu. Na mifondrondrongo niwaʼöra, ufazawili ami, ba hasambalö tekiko ami si fao khö ndra samaʼeleʼö faya andrö.+

8 Daʼa niwaʼö Yehowa samatörö saradadu zorugo, Lowalangi ndraono Gizaraʼeli: ”Böi telimo ami khö ndra samaʼeleʼö si so ba gotaluami,+ sanahö salua ba zi so miföna, ba böi mifaduhusi tödö wangifira, 9 börö me ’lafaʼema khömi wamaʼeleʼö faya ba döigu. Lö irai ufatenge ira,’+ iwaʼö Yehowa.”’”