14 Ba imane khögu Yehowa, ”Laʼogunaʼö döigu ira samaʼeleʼö daʼö ba walimosa.+ Lö nifatengegu yaʼira ba lö niwaʼögu khöra, mazui no fahuhuo ndraʼo khöra.+ Famaʼeleʼöra andrö angilata faya, angilata si lö eluaha, nifakhoi dödöra si fao faʼonekhe.+

15 Aefa daʼö, imane Yeremia samaʼeleʼö khö Hanania+ samaʼeleʼö, ”He Hanania, uʼandrö khöu fondrondrongo! Tenga yaʼugö nifatenge Yehowa, hizaʼi no öʼabeʼeʼö dödö niha irege faduhu dödöra ba walimosamö.+ 16 Börö daʼö imane Yehowa: ’Uhori ndraʼugö moroi ba gulidanö. Hasambalö mate ndraʼugö ba ndröfi daʼa, börö me no öfaweʼe niha sato ba wolawa Yehowa.’”+

8 ”’Börö daʼö, daʼa niwaʼö Yehowa Lowalangi Fondrege Zalawa: ”Börö me faya gangilatara ba falimosa wamaʼeleʼöra andrö, tobali dania udumi ndraʼo,’ iwaʼö Yehowa Lowalangi Fondrege Zalawa.”+ 9 Tangagu andre dania zanguhuku ira samaʼeleʼö hegöi samaʼema angilata faya.+ Lö yaʼira ba gotalua nono mbanuagu si fahuwu khögu. Lö hadöi töira ba zura ngaʼötö ndraono Gizaraʼeli ba lö mangawuli ira ba danö Gizaraʼeli. Awena dania aboto ba dödömi wa yaʼo Yehowa Lowalangi Fondrege Zalawa.+