Sinunö

 3 Böi faduhusi tödö ndra samatörö*

Mazui niha si tebai mameʼe fangorifi.+

 4 Na aetu nosonia, mangawuli ia ba danö;+

Ba luo daʼö awai nikhoi dödönia.+

 5 Yaʼahowu niha sangandrö fanolo khö Lowalangi Yakobo,*+

Sanötöna khö Yehowa Lowalanginia,+

 6 Samazökhi banua si yawa awö danö,

Asi hegöi ösinia maʼafefu,+

Lowalangi si lö faröi,+

 7 Sangadölöʼö faʼatulö ba niha nilimo,

Sameʼe balazo ba niha solofo.+

 8 Ibokai Yehowa hörö niha sauʼa;+

Iʼabölöʼö Yehowa niha si no aöndrö börö gabula dödö;+

Iʼomasiʼö Yehowa niha satulö.

 9 Ilumöʼö Yehowa niha si fatewu;

Itolo zi lö ama hegöi lakha mbanua,+

Hizaʼi, lö mofozu ibeʼe nikhoi dödö* niha si lö sökhi.+

10 Yehowa dania zi tobali Razo sagötö faʼara;+

He yaʼugö Siona, mamatörö Lowalangimi götö-götö waʼara.