Yesaya
6 Ba ndröfi waʼamate Razo Usia,+ uʼila wa no modadao Yehowa ba dadaoma sebua ba salawa,+ no ibalugö gosali ahe mbarunia sebua. 2 No mozizio ndra serafi fönania. So önö gafira ero samösa. Iʼogunaʼö gafinia si dombua ba wamalugö bawania, si dombuania ba wamalugö ahenia, ba si dombua tö iʼogunaʼö ba wohombo.
3 Faoma lamane weʼao khö nawöra,
”Niʼamoniʼö, niʼamoniʼö, niʼamoniʼö Yehowa samatörö saradadu zorugo.+
Anönö danö lakhöminia.”
4 Modögö döla-döla mbawandruhö ba weʼao andrö,* ba afönu simbo nomo daʼö.+
5 Aefa daʼö umane, ”Alai ndraʼo!
Si mate saʼae ndraʼodo!*
Börö me no ufalua horö ba no raʼiö mbewegu,
So ndraʼodo ba gotalua niha si raʼiö bewe;+
Börö me no uʼila Razo, Yehowa samatörö saradadu zorugo!”
6 Aefa daʼö, so samösa zerafi si hombo ba wangondrasi yaʼo ba no iforö mbo galitö+ nihalönia ba naha wanunu sumange.+ 7 Ifatöfa ba mbewegu mbo galitö andrö imane,
”No göna mbeweu mbo galitö.
No aheta horöu,
No muʼefaʼö zalau.”
8 Aefa daʼö, urongo li Yehowa, ”Haniha nifatengegu ba haniha zi möi salahima?”+ Umane, ”Yaʼe ndraʼo! Fatenge ndraʼo!”+
9 Imane, ”Ofanö, ba ombakhaʼö ba soi daʼa,
’Lö aetu mifondrondrongo,
Hizaʼi, lö aboto ba dödömi;
Lö aetu miʼila faoma hörömi,
Hizaʼi, lö misöndra waʼatua-tua.’+
10 Abeʼeʼö dödö soi andre,+
Aweʼe-weʼeʼö dögi wisora enaʼö lö laʼameʼegö tödö,+
Duhö höröra,
Enaʼö lö laʼila
Mazui enaʼö lö larongo tögi dalingara,
Irege lö aboto ba dödöra
Ba lö lafuli ira khögu enaʼö ufadöhö.”+
11 Me urongo daʼö umane, ”Irugi hawaʼara, Yehowa?” Imane,
”Irugi tobali adudula fefu mbanua ba lö hadöi niha si toröi ba daʼö
Lö hadöi niha si toröi ba nomo,
Ba tobali tanö si mate danö si so ba daʼö ba lö niha-niha;+
12 Irugi itiboʼö ira Yehowa ba nahia saröu+
Ba arakhagö fefu mbanua lö hadöi niha.
13 ”Hizaʼi, simane eu sebua ba eu fondrege zalawa, hasambalö so duhe si tosai hewaʼae no laʼobö. Simanö göi, so nasa sambua niʼofulu moroi ba danö andrö zi toröi, ba mufuli mutunu daʼö dania. Ngaʼötö* niʼamoniʼö zi tobali tuhenia.”