Yesaya
61 So khögu geheha Yehowa Lowalangi Fondrege Zalawa,+
Börö me Yehowa zamataro* yaʼo ba wanuriaigö turia somuso dödö ba niha sangide-ngideʼö.+
Ifatenge ndraʼo ba wamadöhö niha sarasa tödö,
Ba wangombakha wa teʼefaʼö niha niʼosawuyu
Ba teboka hörö niha si no mukuru,+
2 Ba wangombakha döfi waʼasökhi dödö* Yehowa
Hegöi baŵa wolau balö khö Lowalangida,+
Ba wameʼe fondrara dödö ba niha sabu tödö,+
3 Ba wondrorogö niha sabu tödö si so ba Ziona
Ba wameʼe khöra bala högö si sökhi fangali nawu,
Fanikha faʼomuso dödö fangali wangabu dödö,
Ba nukha sebua solohe faʼomuso dödö fangali waʼarasa dödö.
4 Lafuli lafazökhi nahia si no ara mududugö;
Lafasindro nahia si no ara muröi,+
Ba lafuli lahaogö mangawuli mbanua si no adudu,+
Nahia si no ara muröi ba zi hauga fakhe.+
5 ”Tohare dania niha si lö miʼila ba lakubaloi mbiri-birimi,
Ba niha baero+ dania zohalöwö ba danö ba sondrorogö kabu nagu khömi.+
6 Tefotöi dania ami ere khö Yehowa;+
Ba mukaoni ami enoni Lowalangida.
7 Lö teʼailasi dania nono mbanuagu, hizaʼi latema dua winaeta howu-howu,
Lö teʼailasi ira, hizaʼi lasöndra waʼomuso dödö ba dana khöra andrö.
Dua winaeta dania harato niʼokhögöra ba soira.+
Lasöndra waʼomuso dödö si lö aetu.+
Lö faröi ndraʼo ba usulöni nifaluara,
Ba ulau fawuʼu li khöra sagötö faʼara.+
9 Tehöngö dania ngaʼötöra ba ngawalö soi,+
Ba tehöngö göi maʼuwura ba ngawalö mado misa.
Dozi niha sangila yaʼira,
Aboto ba dödöra wa no ngaʼötö nifahowuʼö Yehowa ira.”+
10 Omuso sibai dödögu börö Yehowa.
Owua-wua dödögu börö Lowalangigu andrö.+