Yesaya
9 Hizaʼi, faʼogömi andrö tenga simane me alua wamakao ba soi daʼö, tenga simane me laʼoʼaya danö Zebuloni hegöi tanö Nafetali.+ Hizaʼi, börö Lowalangi wa teʼalawaʼö dania ba gafuriata lala si so ba zinga nasi, ba mbanua Nungo Nidanö Yoridano, Galilaia niʼiagö soi böʼö.
2 Niha sanörö sogömi-gömi
No laʼila haga sabölö tara.
Niha si toröi ba danö sogömi-gömi
No ihagaini ia haga.+
3 Öbaliʼö soi sebua soi daʼö,
Ba öbeʼe khöra waʼomuso dödö sebua.
Omuso dödöra fönamö
Simane niha somuso tödö ba mbaŵa wamasi,
Simane niha somuso tödö na mubagi zi no larabu.
4 No ödudugö kalo mbagira,
Siʼo si so ba galisira, siʼo niha samakao yaʼira
Simane me tekalaisi mbanua Midiano.+
5 Fefu mbadagahe siʼugu-ugu samahisi ulidanö
Awö mbaru safönu do
Tobali dania famohola galitö.
Lafotöi ia Sanuturu Lala Satua-tua,+ Lowalangi Sabölö,+ Ama zi Lö Aetu, ba Sondröniaʼö Faʼatulö.
Terou sibai dödö Yehowa samatörö saradadu zorugo andrö ba wamalua yaʼia.
8 Ibeʼe wamangelama Yehowa khö Yakobo,
Ba göna ndraono Gizaraʼeli.+
9 Fefu niha dania oi laʼila daʼö,
Niha Geferai hegöi Samaria,
Me lamane si fao faʼasiliyawa ba fayawasa,
10 ”No adudu nomo nifazökhi moroi ba batu bata,
Hizaʼi, mafuli mafazökhi nomo moroi ba gara.+
Laʼobö geu ara si so ba gatua,
Hizaʼi, magati daʼö faoma eu eresi.”
11 Ibeʼe Yehowa waʼamöna ba nudu sanuwö Resino
Ba ifarou ira wamalua daʼö.
12 Tohare niha Ziria moroi ba gatumbukha hegöi niha Wilisiti moroi ba gaekhula,*+
Lafaboka mbawara ba wemanga iraono Gizaraʼeli.+
Daʼö mbörö wa lö tebulö mofönu ia;
Ba lö aetu ifazawa dangania ba wanguhuku.+
13 Lö mangawuli soi daʼa khö Lowalangi si no manguhuku yaʼira;
Lö laʼalui Yehowa samatörö saradadu zorugo.+
15 Högönia yaʼia daʼö niha si no atua ba sabölö mufosumange.
Iʼonia yaʼia daʼö samaʼeleʼö sameʼe famahaʼö faya.+
16 Yaʼira andre zondröniaʼö ba samaelungu soi daʼa,
Ba lö faʼahono dödö ba niha soloʼö yaʼira.
17 Daʼö mbörö wa fatuwu Yehowa ba ndraono si bohou ebua ba soi daʼa;
Lö ahakhö dödönia ba ndraono si lö ama* hegöi ba lakha mbanua khöra,
Börö me no laröi zindruhu ba lafalua zi lö sökhi,+
Ba si lö karua fefu nifatunöra.
Daʼö mbörö wa lö tebulö mofönu ia;
Ba lö aetu ifazawa dangania ba wanguhuku.+
18 Humola waʼalösökhi simane alitö,
Irege ikhozi ndruʼu sodoi hegöi oʼo.
Iraʼi ndruʼu ba gatua satabö
Irege möi miyawa zimbonia.
19 Börö wönu Yehowa samatörö saradadu zorugo,
Latunu soi daʼö,
Ba tobali famohola galitö nono mbanuania.
Lö hadöi sahakhö tödö khö dalifusönia.
20 So dania zanaba ba gambölö
Hizaʼi lö tebulö waʼolofo;
So zi manga ba gabera
Hizaʼi lö abuso.
Iʼa nagole daʼionia zamösana,
21 Manase dania zi manga Eferai
Ba Eferai zi manga Manase.
Fao ira wolawa Yehuda.+
Daʼö mbörö wa lö tebulö mofönu ia;
Ba lö aetu ifazawa dangania ba wanguhuku.+