Yesaya
50 Daʼa niwaʼö Yehowa:
”Hadia ubeʼe zura wabalisa+ khö ninami me ufofanö ia?
Mazui hadia no ufamawa ami börö me moʼömö ndraʼo ba niha böʼö?
2 Hana wa lö hadöi niha me urugi daʼa?
Me muʼao ndraʼo, ba hana wa lö hadöi sanema ligu?+
Obou giʼa börö me lö idanö,
Ba mate ira ba waʼowökhi dödö.
3 Ufonukha mbanua si yawa faʼogömi-gömi,+
Ba ubeʼe mbalu-balunia nukha goni.”
4 Yehowa Fondrege Zalawa zameʼe khögu lela faʼatua-tua,*+
Enaʼö uʼila ubeʼe wanema li* ba niha serege tödö si fao fehede si tefaudu.+
Lö uʼerogö ia.+
6 Utaneʼö hulugu ba niha samözi yaʼo,
Ba ubeʼe mboʼögu ba niha sondröni gambigu.
Lö ubiniʼö mbawagu na laʼoʼaya ndraʼo ba ladiloi.+
7 Hizaʼi, itolo ndraʼo Yehowa Lowalangi Fondrege Zalawa.+
Daʼö mbörö wa lö urasoi wangoʼaya.
Daʼö mbörö wa abeʼe ndraʼo hulö gara alitö,+
Ba uʼila wa lö teʼailasi ndraʼo.
8 So ba zingagu niha samaduhuʼö wa lö fasala ndraʼo.
Haniha zi tola mamöbögö khögu si lö duhu?*+
Datafatunö.*
Haniha zolohe yaʼo föna zanguhuku?
Akha iʼondrasi ndraʼo.
9 Itolo ndraʼo Yehowa Lowalangi Fondrege Zalawa.
Haniha zangumaʼö wa fasala ndraʼo?
Hulö nukha satua ira fefu
Niʼa hama.
10 Haniha ba gotaluami zangataʼufi Yehowa
Ba samondrongo fehede genoninia?+
Haniha zowaö-waö ba zogömi-gömi si lö haga?
Yafaduhu dödö niha andrö khö Yehowa ba iʼodaligö Lowalanginia.
11 ”Hizaʼi, yaʼami samewuaʼö alitö,
Samohola ono galitö,
Miʼofanö bakha ba hola-hola galitö,
Ba gotalua nono galitö si no mifohola.
Daʼa wanguhuku si göna ami moroi khögu:
Tefadölö ami ba matonga mate ba waʼafökhö.