Danieli
12 ”Ba luo daʼö, maoso* dania Mikhaʼeli.*+ Yaʼia andrö sondröniaʼö solakhömi+ si zizio ba wangoʼawögö soimö. Aefa daʼö, so dania ginötö waʼatosasa si lö irai alua iʼotarai me tefasindro zi sambua soi irugi ba götö daʼö. Ba luo daʼö, teʼorifi dania dozi niha moroi ba soimö+ si no tesura töi ba gölu-gölu zura andrö.+ 2 Ato niha si no mörö barö danö, maoso dania ira. So zanöndra faʼauri si lö aetu ba so niʼailasi ba so göi niʼoʼaya sagötö faʼara.
3 ”Mohaga dania niha sangokhögö faʼaboto ba dödö hulö dalu mbanua sohaga. Niha sanolo niha sato ba woloʼö sindruhu, mohaga ira simane döfi irugi zi lö aetu.
4 ”He Danieli, biniʼö wehede andre ba fotandro gölu-gölu zura daʼa irugi götö safuria.+ Ato niha sangalui eluahania ba fahöna dania waʼaboto ba dödö.”+
5 Aefa daʼö, yaʼo Danieli, uʼila darua niha böʼö si zizio ba zinga nungo nidanö, si samösa tanö ba daʼa ba si samösa tanö ba daʼö.+ 6 Samösa moroi ba gotaluara imane khö ndra matua sonukha si sökhi+ si so ba dete nungo nidanö andrö, ”Hawaʼara dania aʼozu fefu zahöli-höli dödö andre?” 7 Aefa daʼö, urongo li ndra matua sonukha si sökhi sibai si so ba dete nungo nidanö. Ifazawa dangania kambölö hegöi kabera ba mbanua si yawa, ba fahölu ia ba döi Lowalangi sauri sagötö faʼara+ imane, ”Alua daʼö ba ginötö si no muhonogöi yaʼia daʼö sagötö, dua götö ba matonga götö.* Na no aefa tehori waʼabölö niha niʼamoniʼö,+ awai daʼa fefu.”
8 Urongo fefu daʼö, ba lö aboto ba dödögu.+ Andrö wa usofu, ”He Pa, hewisa lua-luania?”
9 Aefa daʼö imane, ”Ofanö Danieli, börö me lö tola löʼö mubiniʼö wehede daʼa ba mufotandro ia irugi götö safuria.+ 10 Ato niha zangamoniʼö ba sanasai botora, ba teʼamoniʼö dania ira.+ Niha si lö sökhi, lafalua zi lö sökhi, ba lö hadöi niha si lö sökhi sangokhögö faʼatua-tua. Hizaʼi, tebeʼe waʼatua-tua andrö ba niha sangokhögö faʼaboto ba dödö.+
11 ”So 1.290 hari iʼotarai me mutenawa zumange si toʼölö mubeʼe ero maʼökhö+ irugi me lafasindro niʼogorofi andrö solohe ba waʼatekiko.+
12 ”Yaʼahowu niha sanau ölö ba wombaloi* irege awai zi 1.335 hari!
13 ”Ba yaʼugö Danieli, böi faröi irugi gamozua. Molombase dania ndraʼugö, hizaʼi hasambalö mususugi ndraʼugö ba wanema tana khöu ba ginötönia.”+