Ba Niha Heberaiʼo
10 Oroisa Moze andrö ha lumö-lumö+ si sökhi si lö ara tö tohare,+ ba tenga daʼö sibai sa zindruhunia. Ba lö manö iʼila ifoʼahonoa zangondrasi Lowalangi oroisa* andrö ba zumange nibeʼe ero röfi si lö aetu-aetu.+ 2 Na simanö, hadia tenga no mubato wameʼe sumange börö me no teʼamoniʼö niha samalua halöwö niʼamoniʼö andrö irege lö faruka khöra horö? 3 Sindruhunia, sumange andre zi möi famasugi ba dödö ero röfi wa yaʼira andrö niha sebua horö,+ 4 börö me lö möi fangefa horö ndro zawi si matua hegöi do nambi.
5 Imane me so ia ba gulidanö, ”’Lö omasiʼö zumange nitunu hegöi sumange tanö böʼö, hizaʼi no öhenaigö khögu mboto. 6 Lö omasiʼö zumange nitunu hegöi sumange fameta horö.’+ 7 Aefa daʼö umane, ’He Lowalangi, no tohare ndraʼo ba wamalua ohitö dödöu. No tesura ba gölu-gölu zura sanandrösa khögu.’”+ 8 No iwaʼö ba wamobörö, ”Lö ötötöna mazui omasiʼö zumange nitunu hegöi sumange tanö böʼö ba sumange fameta horö,” yaʼia daʼö fefu zumange nibeʼe moloʼö Oroisa Moze. 9 Aefa daʼö imane, ”No tohare ndraʼo ba wamalua ohitö dödöu.”+ Iheta gamakhoita siföföna ba wamataro amakhoita si dua. 10 Moloʼö ”ohitö dödönia” andrö,+ no teʼamoniʼö ita me ilulu waʼaurinia Yesu Keriso tobali sumange sakali irugi zi lö aetu.+
11 Baero daʼö, mangai halöwö fefu ndra ere ero maʼökhö ba wamalua halöwö niʼamoniʼö+ ba laʼaseseʼö wameʼe ngawalö zumange si fagölö,+ si lö afönu ba wangeheta horö.+ 12 Ba yaʼia zameʼe sumange si ha sambua ba wameta horö irugi zi lö aetu, ba modadao ia ba gambölö Lowalangi,+ 13 ibalo-baloi irege tebeʼe barö gahenia zi faʼudu khönia.+ 14 Ba zumange si ha sambua andrö, ifoʼahonoa+ fefu niha niʼamoniʼö irugi zi lö aetu. 15 Baero daʼö, tatema wamaduhuʼö moroi ba geheha niʼamoniʼö me imane, 16 ”’Daʼa wawuʼusa ligu khöra me no aefa luo daʼö,’ iwaʼö Yehowa.* ’Ubeʼe ba dödöra goroisagu ba usura ba gera-erara.’”+ 17 Itohugö wangumaʼö, ”Lö saʼae itörö tödögu horöra hegöi olalöwara.”+ 18 Na teʼefaʼö fefu horöra, lö moguna saʼae mubeʼe zumange fameta horö.
19 Yaʼami ira talifusö, börö me do Yesu zameʼe khöda faʼabarani* ba wanörö lala weʼamöi ba nahia niʼamoniʼö,+ 20 si no ibokai tobali lala si bohou ba wogamö faʼauri sanörö nukha baʼa-baʼa andrö,+ yaʼia daʼö botonia, 21 ba börö me so khöda gere fondrege zebua sondröniaʼö ba nomo Lowalangi,+ 22 dataʼondrasi Lowalangi soroi ba dödö si fao famati, börö me no muʼehaogö dödöda side-ide moroi ba zi lö sökhi,+ ba no musasai mbotoda faoma idanö sohau-hau.+ 23 Böi aombö dödöda wanuriaigö tötönafö andrö,+ börö me lö faröi zamabuʼu yaʼia. 24 Yafaoma taʼameʼegö tödö* nawöda ba wamarou tödö ba waʼomasi hegöi ba mbua-bua si sökhi,+ 25 böi taböhöli weʼamöi ba gangowuloa,+ simane nifalua danö böʼö ösa, hizaʼi faoma tafarou dödö nawöda zamösana+ ba tafalua ia soroi ba dödö, mendrua manö me taʼila wa no ahatö ginötö andrö.+
26 Na taʼodödögö wamazökhi horö me no tasöndra waʼaboto ba dödö si tefaudu sanandrösa ba zindruhu,+ lö hadöi saʼae sumange fameta horö,+ 27 hizaʼi ha fombalo-mbaloi hukuma sataʼu ita ba fönu soʼalitö si manga niha solawa andrö.+ 28 Na so zangosiwawöi Oroisa Moze ba so darua mazui datölu zamaduhuʼö,+ mate ia ba lö lahakhösi tödö. 29 Moloʼö yaʼami, hadia lö ebua hukuma si göna niha sohundra-hundra Ono Lowalangi andrö, sangosiwawöi do wawuʼusa li+ sangamoniʼö yaʼia, ba sangoʼaya eheha niʼamoniʼö si no mangoromaʼö faʼasökhi dödö sebua* moroi khö Lowalangi?+ 30 Aboto ba dödöda wa no iwaʼö Lowalangi, ”Khögu wolau balö. Yaʼo zanulöni khöra.” Aefa daʼö imane, ”Ihuku dania nono mbanuania Yehowa.”*+ 31 Hawaʼataʼuda na aekhu ita ba danga Lowalangi sauri!
32 Mitörö-törö tödömi zi no irai alua khömi me föna. Me luo daʼö, me no tehagaini ami,+ anau gölömi ba wasöndrata sabölö-bölö hegöi ba wanaögö ngawalö wamakao. 33 Itaria labaliʼö ami famaʼiki niha sato ba mitaögö wangoʼaya hegöi famakao, ba fao ami ba niha sanaögö famakao simane daʼö. 34 Miforomaʼö waʼahakhö dödö ba niha nikuru, ba lö tebulö waʼomuso dödömi hewaʼae lafadöni haratomi+ börö me miʼila wa so khömi harato sabölö sökhi ba si tebai tekiko götö-götö waʼara.+
35 Börö daʼö, böi ataʼu* ami wahuhuosa börö me fahöna dania howu-howu nitemami.+ 36 Moguna anau gölömi+ enaʼö mitema zi no mufabuʼu andrö na no mifalua zomasi Lowalangi. 37 Ba ”zi lö ara tö”,+ ”tohare zi möi andrö ba lö ahou weʼasonia”.+ 38 ”Auri sa nono mbanuagu satulö andrö börö wamatira.”+ Ba, ”Na ataʼu ia irege awuwu, lö omasi ndraʼo khönia.”+ 39 Tenga niha sataʼu ita irege awuwu ba tekiko,+ tobali samati sa ita irege tasöndra waʼauri.