Sinunö
Sinunö Dawido me moloi ia börö nononia Abisalomi.+
3 He Yehowa, hana wa ato sibai zi faʼudu khögu?+
Hana wa ato sibai zolawa yaʼo?+
2 Ato niha sangumaʼö sanandrösa khögu,
”Lö iʼefaʼö ia Lowalangi.”+ (Sela)*
4 Muʼao ndraʼo khö Yehowa,
Ba ifondrondrongo wehedegu moroi ba hili niʼamoniʼö andrö khönia.+ (Sela)
5 Uleagö ndraʼo ba ulau mörö;
Maoso dania ndraʼo ba si lö faʼataʼu,
Börö me lö iböhöli Yehowa wanolo yaʼo.+
6 Lö ataʼudo niha si ngafulu ribu faʼato
Si no teʼoli ba wamasui yaʼo.+
7 Faoso, yaʼugö Yehowa! Efaʼö ndraʼo,+ yaʼugö Lowalangigu!
Bözi zimbi zi faʼudu khögu;
Fatö nifö niha si lö sökhi andrö.+
8 He Yehowa, yaʼugö Zangefaʼö yaʼo.+
Öfahowuʼö nono mbanuamö. (Sela)