Sinunö
BUKU SI DUA
(Sinunö 42-72)
Khö zondröniaʼö sinunö. Masikili* ngaʼötö Gora.+
42 Simane böhö somasi idanö,
Humulu göi dödögu khöu yaʼugö Lowalangi.
2 Owökhi dödögu ba khö Lowalangi, Lowalangi sauri.+
Hawaʼara tola möido ba wangondrasi Lowalangi?+
3 Bongi maʼökhö, tobali balazogu nidanö hörögu;
Ero maʼökhö laʼoʼaya ndraʼo niha, ”Hezo Lowalangimö?”+
4 Daʼa zi lö olifudo, ba ufaduwa nösi dödögu,
Fao ndraʼo mböröta wofanö ba niha sato;
Si toʼölönia yaʼo zangagö fönara weʼamöi ba nomo Lowalangi,
Si fao faʼomuso dödö ba fangandrö saohagölö,
Moroi ba li niha samalua owasa.+
5 Hana wa aetu wanötönagu?+
Hana wa moʼugu-ugu dödögu?
6 He Lowalangigu, aetu wanötönagu.+
Daʼö mbörö wa itörö tödögu ndraʼugö,+
Iʼotarai danö Nungo Nidanö Yoridano awö zuzu Hili Heremono,
Iʼotarai Hili Miza.*
7 Ba ugu-ugu nidanö andrö khöu si falawu-lawu,
Fadema-dema li ndrulu nasi.*
Ihöndrögö ndraʼo dulumö sebua andrö.+
8 Ba zi maʼökhö, iforomaʼö waʼomasinia si lö faröi khögu Yehowa,
Ba zi bongi, manunö ndraʼo ba mangandrödo khö Lowalangi, umbu waʼaurigu.+
9 Umane khö Lowalangigu, hili kara andrö khögu,
”Hana wa öʼolifugö ndraʼo?+
Hana wa mofanödo ba waʼabu dödö börö wamakao nifalua zi faʼudu khögu?”+
10 Laʼoʼaya ndraʼo si faʼudu khögu ba lö faʼahakhö dödö;*
Ero maʼökhö laʼoʼaya ndraʼo, ”Hezo Lowalangimö?”+
11 Hana wa aetu wanötönagu?
Hana wa moʼugu-ugu dödögu?