Amaedola
14 Ira alawe satua-tua ihaogö wangaʼazökhi ösi nomonia,+
Hizaʼi ira alawe si bodo idudugö daʼö faoma tangania.
2 Niha sadölö lala waʼauri iʼataʼufi Yehowa,
Hizaʼi niha sabila lala waʼauri* iʼoʼaya Lowalangi.
3 Fehede faʼasiliyawa moroi ba mbawa niha si bodo hulö ziʼo famözi,
Hizaʼi fehede niha satua-tua möi folumöʼönia.
4 Lö taʼunö luha na lö hadöi urifö,
Hizaʼi fahöna mbua nowi börö waʼabölö zawi si matua.
5 Samaduhuʼö si lö faröi, ba lö falimo,
Hizaʼi samaduhuʼö sofaya lö iböhöli walimosa.+
6 Iʼalui waʼatua-tua sangoʼaya, hizaʼi lö isöndra,
Ba niha satua-tua, alio isöndra waʼaboto ba dödö.+
7 Aröuʼö ndraʼugö ba niha si bodo,
Börö me lö ösöndra waʼatua-tua moroi ba wehedenia.+
8 Börö waʼatua-tua, iʼila hezo numalö ia niha sonekhe,
9 Maʼiki niha si bodo na so zamalua sala,*+
Hizaʼi ba gotalua niha sadölö tödö, aoha gölönia wangatulö.
10 Ha tödö zangila hadia zafökhö khönia,
Ba samösa lö hadöi si tola morasoi faʼomuso dödönia.
11 Adudu dania nomo niha si lö sökhi,+
Hizaʼi so waʼohahau dödö ba nose niha sadölö tödö.
13 Ba ginötö waʼiki, tola manö abu dödö zi samösa niha,
Ba faʼomuso dödö tola tobali fangabu dödö.
14 Niha selungu tödö itema zulö moroi ba lala waʼaurinia,+
Hizaʼi niha si sökhi itema mbua moroi ba gamuatania.+
16 Mangelama niha satua-tua ba iʼaröuʼö ia ba zi lö sökhi,
Hizaʼi ilau-lau manö niha si bodo ba talafo ifaduhusi tödö ia samösa.
17 Niha salio mofönu ifalua gamuata faʼabodo.+
Hizaʼi fatuwu ba niha böʼö na so zangera-ngera fatua lö ifalua.
18 Niha sambö tödö ha faʼabodo nisöndrania,
Hizaʼi niha sonekhe lafotakula ia faʼaboto ba dödö.+
19 Samuza inötö dania ba mangalulu niha si lö sökhi ba niha si sökhi,
Ba ituhi danö dania niha safaito ba mbawa göli niha satulö.
21 Niha sangoʼaya awönia ifalua horö,
Hizaʼi ohahau dödö niha sohakhösi tödö niha si numana.+
22 Elungu dania niha soʼera-era faʼalösökhi,
Hizaʼi niha sedöna mamalua si sökhi itema waʼomasi si lö faröi hegöi faʼaduhu.*+
23 Oi so gunania waʼerege dödö ba wohalöwö,
Hizaʼi aekhu ba waʼanumana niha soya bewe.+
24 Takula niha satua-tua yaʼia daʼö haratora;
Hizaʼi halöwö niha si bodo, lua-luania faʼabodo.+
25 Samaduhuʼö satulö ilumöʼö waʼaurinia,
Hizaʼi lö iböhöli wamalua faya niha si falimo.
27 Fangataʼufi Yehowa no amaedola gumbu nidanö fangorifi,
Sangaʼaröuʼö niha moroi ba dandrawa waʼamate.
28 Faʼato nono mbanua ba no lakhömi razo,+
Hizaʼi na lö hadöi ono mbanua ba aekhu tou zamatörö.
29 Niha si lö alio mofönu iʼokhögö waʼaboto ba dödö sebua,+
Hizaʼi niha si lö faʼebolo dödö iforomaʼö waʼabodonia.+
31 Niha solimo si numana iʼailasi Zomböi yaʼia,+
Hizaʼi niha sohakhösi tödö si numana ifolakhömi Lowalangi.+
32 Tehori niha si lö sökhi börö waʼalösökhinia,
Hizaʼi telumöʼö niha satulö börö waʼalöfaröinia.+
33 Ahono waʼatua-tua ba dödö niha si so faʼaboto ba dödö,+
Hizaʼi ba gotalua niha si bodo, ifaʼeleʼö ia faʼatua-tua enaʼö laʼila.
34 Faʼatulö zameʼe faʼatedou zi sambua soi,+
Hizaʼi teʼailasi zi sambua soi na so zamalua horö.