Sara Timoteo
6 Dozi sawuyu enaʼö lö tebulö lafosumange zokhö yaʼira soroi ba dödö,+ faböi teʼoʼaya döi Lowalangi hegöi famahaʼönia.+ 2 Hewaʼae sokhö yaʼira andrö talifusöra si sara lala wamati, lö tola löʼö lafosumange ia. Abölö sökhi nasa na ladouʼö wangodödögö ba wangai halöwö khönia, börö me talifusö si sara lala wamati niʼomasiʼö andrö zanema bua ba halöwöra si sökhi.
Böi böhöli wamahaʼö daʼa ba beʼe mene-mene andre. 3 Na so zangombakha famahaʼö tanö böʼö si lö tefaudu ba wanuturu lala sindruhu+ si otarai khö Zoʼaya yaʼita Yesu Keriso, mazui famahaʼö si tefaudu ba wamosumange Lowalangi soroi ba dödö,+ 4 fayawa niha daʼö ba lö khönia faʼaboto ba dödö.+ Omasi ia fadaʼawa ba fabuʼa-buʼa ba wehede.+ Lua-luania, teʼasogö waʼafökhö dödö, fatötöisa, famobahulu,* mazui fanahö-nahö dödö, 5 ba faʼudusa si lö eluaha si lö aetu-aetu, nifalua niha si tekiko fangera-ngera+ ba si lö faʼaboto ba dödö sindruhu. Lamane tödöra wa famosumange Lowalangi soroi ba dödö andrö lala ba wangalui hare.+ 6 Sindruhunia, so hare sebua ba niha samosumange Lowalangi soroi ba dödö+ si fao faʼahono dödö ba zi no so. 7 Lö hadöi niʼoheda ba gulidanö andre me awena tumbu ita, ba lö göi taʼohe hadia ia dania na mate ita.+ 8 Tobali, na so khöda mbalazo hegöi nukha,* yaʼahono dödöda ba daʼö.+
9 Dozi sedöna mangebua anaʼa göna ira fanandraigö, tandrawa,+ ba fangisö faya-faya si möi famaʼala, sangahanigö niha ba waʼatekiko hegöi ba waʼamate.+ 10 Börö waʼomasi gefe, tumbu ngawalö waʼalösökhi irege so ösa zelungu moroi ba wamati ba wolohi daʼö, ba oya nifoböröra khöra faʼafökhö.+
11 Yaʼugö enoni Lowalangi, oloi moroi ba daʼö. Gohi zindruhu, famosumange Lowalangi soroi ba dödö, famati, faʼomasi, faʼanau gölö, ba falöʼalio mofönu.+ 12 Forege wasöndrata ba wamati. Khamö waʼauri si lö aetu me ba daʼö tekaoni ndraʼugö, ba haogö wanutunö föna niha sato ba föna ndra samaduhuʼö.
13 Föna Lowalangi sondrorogö faʼauri, ba föna Keriso Yesu samaduhuʼö si sökhi khö Wondrio Filato föna niha sato,+ uʼandrö khöu 14 enaʼö öfalua goroisa daʼa, böi raʼiö ndraʼugö, ba lö mosinegu irege tohare Zoʼaya yaʼita Yesu Keriso ba wangoromaʼö lakhöminia.+ 15 Ba ginötö si no mutatugöi, iforomaʼö lakhöminia Samatörö somuso tödö andrö. Yaʼia Razo yawa razo, ba Soʼaya yawa zoʼaya,+ 16 si tebai mate,+ si toröi ba haga si tebai laʼondrasi niha,+ si lö irai ba si tebai laʼila niha.+ Khönia zumange ba lakhömi irugi zi lö aetu. Yaduhu.
17 Waʼö ba niha si kayo ba götö* daʼa enaʼö böi fayawa ira, böi manötöna ira ba waʼakayo salio taya,+ hizaʼi khö Lowalangi sangöhöna fefu hadia ia si möi fangohahau dödöda.+ 18 Ombakhaʼö khöra enaʼö lafalua zi sökhi, yafahöna khöra gamuata si sökhi, faʼoböwö, ba lö atali,+ 19 lahöna khöra girö-girö ba wamati si tobali dane-dane waʼaurira ba zi so miföna,+ irege tola lakhamö waʼauri sindruhu.+
20 Yaʼugö Timoteo, rorogö zi no labeʼe ba dangau.+ Böi fondrondrongo huhuo si lö eluaha si lö faudu ba niʼamoniʼö, mazui bua gera-era nifotöi niha ”faʼaboto ba dödö”, hizaʼi faböʼö moroi ba zindruhu.+ 21 So niha si no elungu moroi ba wamati börö me lahöni-höni waʼaboto ba dödö simanö.
Yaʼötema waʼasökhi dödö sebua* moroi khö Lowalangi.