Sinunö
Mikitama* Dawido.
16 He Lowalangi, rorogö ndraʼo börö me khöu ulumöʼödo.+
2 Umane khö Yehowa, ”Ha yaʼugö Yehowa Gumbu waʼasökhi dödö khögu.
4 Oya sibai wamakao ba niha samosumange lowalangi böʼö.+
Lö irai ubeʼe ndro tobali sumange nibadu khöra,
Ba lö irai itötöi döira bewegu.+
5 Tana khögu wamosumange Yehowa,+ ba afönu ibeʼe makogu.+
Yaʼugö zondrorogö ondröitagu.
6 No öhonogöi khögu nahia si sökhi.
Ahono dödögu ba gondröitagu.+
7 Usuno Yehowa sameʼe khögu fotu.+
Ifareso ndraʼo fangera-ngeragu fondrege zabakha* na bongi.+
Lö irai mangiwa ndraʼo börö me ba gambölögu so ia.+
9 Börö daʼö, omuso dödögu ba owua-wua dödögu.
Ba ahono dödögu.
11 Yaʼugö zanuturu lala khögu saekhu ba waʼauri.+
Omuso sibai dödögu weʼaso tanö fönau;+
Owua-wua dödögu sagötö faʼara na so ndraʼo ba gambölöu.