Amaedola

 2 He yaʼugö ono si tumbu moroi ba dalugu,

Hadia zinangea uwaʼö khöu yaʼugö onogu,

He yaʼugö ono moroi ba mbuʼusa ligu, hadia zinangea uwaʼö?+

 3 Böi horigö waʼabölöu ba ndra alawe,+

Ba böi törö lala samakiko razo-razo.+

 4 He yaʼugö Lemueli, tenga sinangea khö ndra razo,

Tenga sinangea khö ndra razo ba wamadu agu

Mazui khö ndra sondröniaʼö ba wangumaʼö, ”Hezo gögu tuo?”+

 5 Enaʼö lö labadu ba olifu ira zi no muhonogöi

Ba laʼositengagö hadia zinangea latema ira niha si numana.

 6 Beʼe duo ba niha sedöna muhori+

Simanö göi nagu ba niha si göna abula dödö.+

 7 Enaʼö labadu ba laʼolifugö waʼanumanara;

Enaʼö lö itörö tödöra gabula dödöra.

 8 Fahuhuo salahi niha si tebai mamuʼa ba hulunia;

Oʼawögö hadia zinangea itema niha si lö ara tö mate.+

 9 Fahuhuo ba etuʼö huku si fao faʼatulö;

Oʼawögö hadia zinangea latema ira* niha sambö faʼabölö hegöi niha si numana.+

11 Ifaduhusi tödö ia foʼomonia ira matua soroi ba dödö

Ba lö moʼamböta woʼomonia andrö.

12 Sandrohu faʼaurinia,

Ifalua zi sökhi khö woʼomonia ira matua, tenga si lö sökhi.

13 Iʼowuloi nukha moroi ba mbu mbiri-biri awö nukha si sökhi;

Owölö-ölö dangania wohalöwö.+

14 Hulö göfa ia solohe niha sogale,+

Iʼohe gö moroi ba zaröu.

15 Me ogömi-gömi nasa ba no maoso ia,

Ba wondrino gö ba nösi nomonia

Ba ibeʼe dana khö ndra sawuyunia ira alawe.+

16 Ihaogö iʼangeragö na iʼöli nowi;

Ifazökhi kabu nagu moroi ba waʼerege dödönia.*

17 No ifaʼanö ia wamorege fohalöwö,*+

Ba iʼabeʼeʼö mbölökhania.

18 Iʼila wa mohare ia ba wangaluinia;

Lö irai mate wandrunia ba zi bongi.

19 Igogohe tangania geu famagaölö,

Ba igogohe turunia wanoso.*+

20 Iʼoroʼö dangania ba niha sambö faʼabölö,

Ba ibokai dangania ba niha si numana.+

21 Na aekhu deu esi, ba lö abu dödönia nösi nomonia

Börö me dozi ösi nomonia lafake mbaru saweʼe-weʼe.*

23 Tehöngö woʼomonia ira matua ba mbawa göli,+

Ba daʼö modadao woʼomonia ba zinga ndra sondröniaʼö banua* andrö.

24 Ifazökhi mbaru* si sökhi, aefa daʼö ifamawa,

Ifamawa* göi mböbö löwi khö ndra sogale.

25 Hulö mbarunia waʼabölö hegöi faʼamolakhömi,

Ba aro dödönia ba zi so miföna.*

26 Atua-tua ia ba wahuhuosa;+

Huku faʼasökhi dödö* zi so ba lelania.

27 Ifaigi-faigi halöwö ba nomonia,

Ba maʼifu lö khönia faʼareu.+

28 Mozizio ndraononia ba lafahowu-howuʼö ia;

Mozizio woʼomonia ira matua ba wanuno yaʼia.

29 Ato sibai ndra alawe sangokhögö faʼatua-tua,*

Hizaʼi töra nasa ndraʼugö moroi khöra.

30 Si lö boto waʼasökhi ngaʼeu ba faya waʼasökhi mbawa,+

Hizaʼi ira alawe sangataʼufi Yehowa daʼö nisuno.+

31 Beʼe luonia ba zi no ifalua,+

Ba akha tobali börö wanuno khönia gamuatania andrö ba mbawa göli mbanua.+