Sinunö
Sinunö Dawido.
138 Usuno ndraʼugö soroi ba dödögu.+
Föna lowalangi tanö böʼö,
Manunö ndraʼo ba wanuno yaʼugö.*
2 Utuhi danö gamaudu gosalimö niʼamoniʼö,*+
Ba usuno döimö+
Börö waʼomasimö si lö faröi hegöi faʼaduhumö.*
No öʼalawaʼö döimö hegöi fehedemö moroi ba danö böʼö fefu.*
4 He Yehowa, fefu razo ba gulidanö lasuno ndraʼugö,+
Börö me no larongo mbuʼusa limö.
5 Manunö ira sanandrösa ba lala Yehowa,
Börö me sahöli-höli dödö lakhömi Yehowa.+
6 Hewaʼae molakhömi Yehowa, hizaʼi iʼameʼegö tödö niha sangide-ngideʼö,+
Ba ifandröndröu ia ba niha si fayawa.+
7 Hewaʼae na ifasui ndraʼo teʼala, lö öböhöli wondrorogö yaʼo enaʼö aurido.+
Öʼoroʼö dangamö ba wolawa niha sofönu si faʼudu khögu;
Tangamö kambölö zangefaʼö yaʼo.
8 Ifalua fefu gohitö dödönia Yehowa börö ndraʼo.