Amaedola
2 Irasoi zi sökhi si samösa niha börö mbua-bua mbewenia,+
Hizaʼi si manga mböli ha faʼalösökhi zomasi ia.
5 Fatuwu niha satulö tödö ba walimosa,+
Hizaʼi amuata niha si lö sökhi zangaʼasogö faʼaila ba fangoʼaya.
6 Sindruhu andrö zolumöʼö faʼauri niha sadölö tödö,+
Hizaʼi faʼalösökhi zangekhugö niha sebua horö.
7 So niha sodunö-dunö faʼakayonia, hizaʼi lö hadöi niʼokhögönia;+
So göi niha si numana ba wangumaʼönia, hizaʼi oya sibai haratonia.
11 Sabata alö harato nisöndra ba waʼalio,*+
Hizaʼi harato nizara-zara fangowuloi ba monönö-nönö manö.
13 Gofu haniha zi lö moʼameʼegö tödö fanuturu lala* ba itaögö lua-luania,+
Hizaʼi niha sangataʼufi oroisa itema howu-howu.+
15 Niha sebua faʼaboto ba dödö ba laʼomasiʼö ia niha sato,
Hizaʼi lö sökhi lala niha si manga mböli.
16 Niha satua-tua iʼodaligö waʼaboto ba dödö na so nifaluania,+
Hizaʼi iforomaʼö waʼabodonia niha si bodo.+
18 Numana dania zangositengagö fotu ba teʼailasi,
19 Tobali fangomuso dödö gohitö dödö si no alua,+
Hizaʼi lö ifandröndröu ia niha si bodo ba zi lö sökhi.+
20 Niha si fao ba zatua-tua, ba atua-tua ia göi dania,+
Hizaʼi niha si faʼawö ba niha si bodo, ba falukha ia wamunu.+
22 Niha si sökhi iröi gondröita khö ndra maʼuwunia,
Hizaʼi muʼiröʼö harato niha sebua horö soguna ba niha satulö tödö.+
23 Oya mbua nowi niha si numana ba danö si no lafaku,
Hizaʼi tola taya daʼö* börö me lö hadöi faʼatulö.