Amaedola
12 Niha sangomasiʼö fotu iʼomasiʼö waʼaboto ba dödö,+
Hizaʼi niha si fatuwu ba degu-tegu ba no si lö tödö.+
2 Iʼomasiʼö Yehowa niha si sökhi amuata,
Hizaʼi ihuku niha sedöna mamalua si lö sökhi.+
3 Lö ahono dödö niha na so waʼalösökhi,+
Hizaʼi lö irai mangiwa niha satulö tödö.
4 Foʼomo ira alawe si sökhi amuata, hulö dakula ba högö woʼomonia,+
Hizaʼi foʼomo ira alawe si möi fangaila, tobali fökhö sangobousi töla woʼomonia.+
5 Adölö wangera-ngera niha satulö tödö,
Hizaʼi fanuturu lala niha si lö sökhi ba no faʼelungu.
7 Na tehori fefu niha si lö sökhi ba lö yaʼira saʼae,
Hizaʼi lö adudu nomo niha satulö tödö.+
10 Niha satulö tödö ihaogö wondrorogö urifönia,+
Hizaʼi faʼahakhö dödö niha si lö sökhi andrö ba no safaito.
11 Niha sohalöwö ba danö ba fahöna dania khönia mbalazo,+
Hizaʼi niha solohi ngawalö zi lö eluaha ba no si lö tödö.
12 Afökhö dödö niha si lö sökhi na ahulu nawönia niha si lö sökhi,
Hizaʼi niha satulö tödö hulö waʼa geu saro ba sowua.
13 Teʼala niha si lö sökhi ba wehedenia si fasala,+
Hizaʼi teʼefaʼö niha satulö tödö moroi ba wangabu dödö.
14 Fahöna zi sökhi nirasoi zi samösa niha börö mbua-bua mbewenia,+
Ba itema luonia börö halöwö dangania.
16 Faʼabao dödö niha si bodo iʼanemaiʼö iforomaʼö,*+
Hizaʼi niha satua-tua lö iʼameʼegö tödö* wangoʼaya.
17 Samaduhuʼö si lö faröi iwaʼö zindruhu,
Hizaʼi samaduhuʼö sofaya iwaʼö waya.
20 So walimosa ba dödö niha sedöna mamalua si lö sökhi,
22 Ogoro Yehowa mbewe solau faya,+
Hizaʼi omuso dödönia ba niha si lö faröi.
23 Niha satua-tua ibiniʼö hadia niʼilania,
Hizaʼi niha si bodo idunö-dunö waʼabodonia.+
26 Niha satulö iʼalui khönia mbenua soduʼu,
Hizaʼi elungu niha si lö sökhi ba lalania samösa.
27 Niha sareu lö igohi gahuluania,+
Hizaʼi faʼowölö-ölö tobali harato sebua böli ba zi samösa niha.
28 Lala satulö aekhu ba waʼauri;+
Ba lö hadöi faʼamate ba zi sandrohu lala daʼö.